Меңдіқарада кездесу өтті
Меңдіқара аудандық архивінің мамандары Меңдіқара ауданының еңбек сіңірген адамдарының құжаттарын анықтау бойынша іздестіру жұмыстарын жалғастыруда.
Жоспармен белгіленген іс-шаралар шеңберінде алғашқы тың игеруші Виктор Иванович Устиновтың туыстарымен кездесу өтті және жеке текті құжаттарды мемлекеттік сақтауға қабылдау жүргізілді.
Устинов Виктор Иванович 1937 жылы 10 қаңтарда Киров облысы, Шурлин ауданы, Ищеево ауылында дүниеге келген.
Балалық шақ оңай болған жоқ. Соғыстан кейінгі қиындықтарға қарамастан, Виктор 6 сыныпты бітірді. Жасөспірім кезінде 13 жасынан бастап «Мысль Ильича» колхозында түрлі жұмыстарда еңбек етті.
Бүкіл ел бойынша тың игеруге шақырған кезде Виктор Иванович 1955 жылы қаңтарда Комсомол жолдамалары бойынша жолдастарының тобымен Қостанайға келді.
В. И. Устиновтың тың эпопеясы Федоров ауданының «Коммунизм жолы» колхозында басталды. «Сталинский» астық совхозына (одан кейін «Боровской» астық совхозына; Л. И. Брежнев атындағы астық совхозына; «Боровской») Меңдіғара, ал кейіннен Меңдіқара ауданының Боровскойға 1959 жылы қаңтарда көшіп келді.
1971 жылдың сәуірінде үздік жұмысы үшін және қол жеткізген жоғары өндірістік көрсеткіштері үшін Виктор Иванович өзінің алғашқы жоғары наградасын –«Еңбек Қызыл Ту» орденін, ал 1976 жылдың желтоқсанында «Құрмет Белгісі»орденін алды.
Алғашқы тың игеруші Виктор Устинов үшін ең есте қаларлық нәрсе жүгері шаруашылығында жұмыс істеген жылдар болды.
Қостанай облыстық совхоздар өндірістік басқармасы және ауыл шаруашылығы қызметкерлері кәсіподағының обкомы 1982 жылы социалистік жарыста жоғары көрсеткіш көрсеткені үшін оны «Үздік тракторшы», «үздік жүгері өсіруші» дипломдарымен марапаттайды.
1986 жылдың тамызында Виктор Иванович «Октябрь Революциясы» орденімен жоғары мемлекеттік наградамен марапатталды.
Екі рет коммунист В. И. Устинов аудандық партия конференцияларында аудандық партия комитетінің мүшесі болып сайланды. Ұзақ уақыт бойы Первомай филиалының халықтық бақылау тобын басқарды. 1984 жылы наурызда табысты жұмысы үшін КСРО Халықтық бақылау Комитетінің «КСРО Халықтық бақылау органдарындағы белсенді жұмысы үшін» құрмет белгісімен марапатталды.
1987 жылдың шілдесінде В. И. Устинова көп жылдық және адал еңбегі үшін «Еңбек ардагері» медалімен марапатталды.
Қызы Матвеева Елена Викторовна құжаттарды ішінара түпнұсқалары мен көшірмелерінде мемлекеттік сақтауға тапсырды, қазіргі уақытта олар цифрландырылуда, тізімдеме мен оған алғысөз жасалады.
Виктор Иванович Устиновтың жеке текті құжаттары Меңдіқара аудандық мемлекеттік архивінің коллекциясында лайықты орын алады.