«Қостанай облысы. Адамдар оның мақтанышы» деген атпен Меңдіқарада жұртшылықпен кездесу өтті

Ағымдағы жылдың 20 қаңтарында аудандық архивтің бастамасымен «AMANAT» партиясы аудандық филиалының базасында жұртшылықпен кездесу өтті.

Бұл кездесу Қостанай облысының құрылғанына 90 жыл толуына арналған.

Архившілер осы іс - шараны ұйымдастырушылар ретінде кең ауқымды зерттеушілердің назарын аударуды және өскелең ұрпаққа облыстың, ауданның тарихи өткеніне құрмет пен қызығушылықты оятуды мақсат етіп қойды.

Іс – шараға қонақтар ретінде «AMANAT» партиясы аудандық филиалының төрағасы А.Ө. Тишбаева, аудандық мәслихат төрағасы Қ. Р. Рахметқалиев, Меңдіқара ауданының құрметті азаматы В. Г. Леонов, К. Б. Дөненбаева атындағы кәсіптік техникалық колледж директорының орынбасары В. Ф. Кожуховская, сондай-ақ К. Б. Дөненбаева атындағы кәсіптік-техникалық колледжінің студенттері мен оқытушылары қатысты.

           Меңдіқара аудандық мемлекеттік архив қор құрушы Асеев Владимирович Никифоровичтің балаларына ерекше орын берілді.  Олардың әрқайсысына және барлық шақырылғандарға сөйлеуге және естеліктермен бөлісуге мүмкіндік берілді.

Әр өлкенің тарихы оның тұрғындарының тарихы екені белгілі. «Әр уақыттың өз батырлары бар», - дейді ел арасында. Архившілер Меңдіқара ауданының қалыптасуына үлес қосқан адамдар туралы оқушыларға ақпарат беруге тырысты; Асеевтер әулетінің еңбек ету тарихымен таныстыру, отбасылық құндылықтарға, еңбекке және өңір экономикасы үшін жұмысшы кәсіптерінің маңыздылығына құрмет көрсету, жастарды аграрлық секторда сұранысқа ие мамандықтарға тарту.

Архившілер «Ұлы дала баласы» экспозициясының тақырыбына шолу жасады (80-нен астам экспонат). Тақырыптық экспозиция құрамына Меңдіқара ауданының еңбек сіңірген адамдарының Ф.Р-48 «Жеке текті біріккен архив қоры» экспонаттары кірді.

        Тілек білдірушілерге архившілердің белгілі бір жұмысының электрондық нұсқасын алуға мүмкіндік берілді.