«Сопка 305» су тазарту құрылыстарына шығу (Степногорск қ.)
2026 жылғы 28 сәуірде Қазақстан Республикасы Су шаруашылығы комитеті төрағасының орынбасары Ә.Б. Әубәкіровтың төрағалығымен, мердігер ұйымдардың, техникалық қадағалаудың, «Қазсушар» РМК Ақмола филиалының, сондай-ақ «Оңтүстікауызсу» филиалының өкілдерінің қатысуымен Степногорск қаласындағы «Сопка 305» су тазарту құрылыстарына бару жүзеге асырылды.
Бару мақсаты – ультрафильтрация технологиясын қолдану тәжірибесін зерделеу, сондай-ақ су тазартудың мембраналық технологиясының тиімділігі мен сенімділігін бағалау болды.
Іс-шара барысында аталған технологияны пайдалану тәжірибесі қаралды. Ол Ақмола облысындағы Нұра топтық су құбырын реконструкциялау (1-кезек, 1-іске қосу кешені) және Целиноград ауданының Талапкер және Қажымұқан ауылдарына Покров кен орнының жерасты суларынан су жеткізуге арналған су құбырын салу (1-кезек) жобаларын іске асыру кезінде қолданылуда.
Сондай-ақ, Түркістан облысы Сарыағаш ауданының елді мекендерін қосумен Сарыағаш топтық су құбырын толықтыруға арналған магистральдық су құбырын реконструкциялау (1-кезек, 2-іске қосу кешені) жобасы бойынша жобалық құжаттаманы әзірлеу кезінде осындай шешімдерді қолдану мүмкіндігін қарастыру атап өтілді.
Бару барысында қатысушылар су тазарту технологиялық үдерісімен және жабдықтың пайдалану сипаттамаларымен танысып, алынған тәжірибенің жобаларды одан әрі әзірлеу және іске асыру үшін практикалық маңызы бар екендігін атап өтті.