Ардагер сушы «Еңбек ардагері» медалімен марапатталды
Республика күні мерекесіне орай Комитет төрағасының орынбасары Нұржан Серіков су шаруашылығы саласының ардагері Александр Бердаулетұлы Атантаевты «Еңбек ардагері» медалімен марапаттады. Александр Бердаулетұлы су шаруашылығы саласында 50 жыл бойы абыройлы қызмет етіп, еліміздің су ресурстарын тиімді пайдалану мен дамыту ісіне зор үлес қосқан. Марапат иесіне әріптестері мен жас мамандар өз ризашылықтарын білдіріп, оның еңбегі мен өмірлік тәжірибесі жас ұрпаққа үлгі екенін атап өтті.