2025 жылдың 1 наурызынан бастап жолдарда көлік кұралдарының қозғалысын уақытша шектеу енгізілетіндігі туралы

Қазақстан Республикасы Көлік министрлігінің Автомобиль көлігі және көліктік бақылау комитеті 2025 жылдың 1 наурызынан бастап жолдарда көлік кұралдарының қозғалысын уақытша шектеу енгізілетіндігін хабарлайды.  

         Қазақстан Республикасы Индустрия және инфрақұрылымдық даму министрінің 2023 жылғы 5 шілдедегі № 492 бұйрығына сәйкес көктемгі кезеңде жол жүрісін ұйымдастыру кезінде уақытша жүрісті шектеудің жыл сайынғы қолданылу мерзімдеріне сәйкес жеке білікке түсетін жүктемесі 8 тоннадан артық автокөлік құралдарының жүрісіне шектеу енгізіледі.

         республикалық маңызы бар автомобиль жолдарын сақтау және мерзімінен бұрын тозу мақсатында бесінші жол – климаттық аймаққа жататын сегіз облыста шектеу 2025 жылдың 1 наурызынан бастап қолданылады:

         1) Алматы облысы;

         2) Атырау облысы;

         3) Жамбыл облысы;

         4) Ұлытау облысы;

         5) Қызылорда облысы;

         6) Маңғыстау облысы;

         7) Жетісу облысы;

         8) Түркістан облысы. 

Көктемгі кезеңде:

1) халықаралық келісімдерге сәйкес жүктердің және жолаушылардың халықаралық тасымалдарын жүзеге асыратын;

2) төтенше жағдайлар мен олардың салдарын алдын алу және оларды жою жөніндегі іс-шараларды жүзеге асыратын;

3) зардап шеккендерге гуманитарлық көмек көрсетуді жүзеге асыратын;

4) азық-түліктерді тасымалдауды жүзеге асыратын;

5) жолаушылар мен багаж тасымалын жүзеге асыратын;

6) дәрі-дәрмектерді тасымалдауды жүзеге асыратын;

7) мердігер ұйымдарға реконструкциялау жұмыстарын жүргізу үшін берілген учаскелердегі жол-құрылыс жұмыстарын жүзеге асыратын;

8) қарулы күштер, басқа да әскерлер мен әскери құралымдарды, сондай-ақ әскери тасымалдауларды жүзеге асыратын автокөлік құралдарына шектеулер қолданылмайды.

         23 наурыз бен 1 мамыр аралығында Ақмола, Ақтөбе, Абай, Шығыс Қазақстан, Батыс Қазақстан, Қарағанды, Қостанай, Павлодар және Солтүстік Қазақстан облыстарында осындай шектеулер енгізіледі.