«Жезқазған қаласының жолаушылар көлігі және автомобиль жолдары бөлімі» ММ-нің атқарылған жұмыстар туралы есебі
2025 жылы Жезқазған қаласы әкімдігі тарапынан қала аумағындағы 12 көшеде автомобиль жолдарының орташа жөндеу жұмыстары жүргізілді.
Жөндеу жұмыстары төмендегі учаскелерде атқарылды:
- Алашахан даңғылы (Бейбітшілік даңғылынан Байқоңыров көшесіне дейін);
- Мира даңғылы (Ғарышкерлер бақ жолынан Деев көшесіне дейін);
- Момышұлы көшесі (Сейфуллин көшесінен Бейбітшілік даңғылына дейін);
- Сәтпаев көшесі (Абай көшесінен айналма жолға дейін);
- Сарыарқа көшесі (айналма жолдан А-16 автожолына дейін);
- Ұлытау көшесі (Сәтпаев көшесінен Абай көшесіне дейін);
- Абай көшесі (Сарыарқа көшесінен айналма жолға дейін);
- Желтоқсан көшесі (Абай көшесінен ЖЭО маңындағы бағдаршамға дейін);
- Садовое кольцо көшесі (Желтоқсан көшесінен Холмецкий көшесіне дейін);
- Шевченко көшесі (Аманжолов көшесінен Ғарышкерлер бақ жолына дейін);
- Қабанбай батыр шағын ауданындағы орталық көше;
- Құрылысшылар тұйығы.
Сонымен қатар, 2025 жылы 2024 жылдан өтпелі болып қалған 6 келісімшарт аясында орамішілік автомобиль жолдарын жөндеу жұмыстары орындалды. Аталған жұмыстар 7, 29, 32, 67, 68, 69, 70, 74 және 76 кварталдарда, сондай-ақ 3-ші шағын ауданда жүргізілді.