Қазақстан Республикасы Президентінің 2022 жылғы 6 мамырдағы № 890 «Жоғары әскери және арнаулы атақтарын, сыныптық шендер мен біліктілік сыныптарын беру туралы» жарлығымен:
ҰҚК Төрағасы Сағымбаев Ермек Алдабергенұлына ұлттық қауіпсіздік генерал-лейтенанты арнайы атағы;
Шекара қызметінің Жамбыл облысы бойынша департаментінің быстығы Сәбидолданов Мұхтар Сұлтанбекұлына генерал-майор әскери атағы;
ұлттық қауіпсіздік генерал-майор арнайы атақтары:
Маңғыстау облысы бойынша департаментінің бастығы Әбділманов Марат Мейірханұлына;
Үкіметтік байланыс қызметінің бастығы Жұмағалиев Тамерлан Тельманұлына;
ҰҚК Академиясының бастығы Жүнісов Таңат Рымбекұлына;
Ақтөбе облысы бойынша департаментінің бастығы Неталиев Рүстем Бекетұлына берілді.
Қазақстан Республикасы Президентінің 2022 жылғы 30 сәуірдегі № 855 және 2022 жылғы 5 мамырдағы № 885 «Мемлекеттік наградалармен марапаттау туралы» жарлықтарымен ұлттық қауіпсіздік органдарының 20 қызметкерлері мен әскери қызметшілері марапатталды.