Оқу-жаттығу шеңберіндегі марш

Маңғыстау облысының аумағында Тәуелсіз Мемлекеттер Достастығы Терроризмге қарсы орталығының бастамасымен өткізілетін «Каспий - Антитеррор-2021» бірлескен терроризмге қарсы оқу-жаттығуы шеңберінде Шекара қызметі өз бөлімшелерін қайта топтастыруды жүргізуде.

Техника легінің қозғалысы әскери полицияның алып жүруімен жүзеге асырылады.

Жоспарлы оқу-жаттығулар екі кезеңде өтеді және 2021 жылғы    2 қыркүйекке дейін жалғасады.

Оқу-жаттығудың мақсаты – Тәуелсіз Мемлекеттер Достастығы аумағында терроризм актілерін дайындау белгілерін анықтау және жолын кесу кезінде күштер мен құралдарды кешенді қолдануды бірлесіп пысықтау.

 

ҚР ҰҚК баспасөз қызметі