Қару мен оқ-дәрілерді тәркілеу туралы

Жыл басынан бері ҰҚК полиция органдарымен бірлесе және прокуратураның үйлестіруімен Қазақстан өңірлерінде қарудың заңсыз айналымының жолын кесу бойынша бірқатар жедел-іздестіру іс-шараларын жүргізді.

118 бірлік қару тәркіленді, оның ішінде 6 «Калашников» автоматы, 83 мылтық, 29 тапанша, сондай-ақ 15 граната мен 859 оқ-дәрі.

Аталған фактілер бойынша жедел-тергеу әрекеттері жүргізілуде.

Қылмыстық-процестік кодекстің 201-бабына сәйкес өзге ақпарат жария етуге жатпайды.

Бұл бағыттағы жұмыс жалғасуда.

 

ҰҚК Баспасөз қызметі