Адамдарды ұстау туралы

Үстіміздегі жылдың 10 маусымында Орал қаласында Ұлттық қауіпсіздік комитеті кәсіпкерлерден ақша бопсалады деген күдікпен топтың әрекетінің жолын кесті.

8 қазақстандық ұсталды, екеуі соттың санкциясымен қамауға алынды.

Бұл тұлғалардың әрекеттері аймақтың коммерциялық іс-әрекетіне қатысушыларына теріс әсер еткен.

Тінту барысында ірі көлемде ақша мен өзге де заттай дәлелдемелер тәркіленген.

Қылмыстық кодекстің 194-бабы бойынша сотқа дейінгі тергеу жүргізілуде.

Қылмыстық-процестік кодекстің 201-бабының 1-тармағына сәйкес өзге ақпарат жария етуге жатпайды.

ҰҚК баспасөз қызметі