Қазақстан Республикасы Ұлттық қауіпсіздік комитетінің Академиясында білім беру бағдарламалары бойынша оқуын аяқтаған офицерлердің салтанатты бітіру рәсімі өтті.
Іс-шараға Комитет басшылығы, ардагерлер, Академияның профессор-оқытушылық құрамы, сондай-ақ түлектердің туыстары мен жақындары қатысты.
Оқыту барысында тыңдаушылар мен курсанттар ұлттық мүдделерді қорғау және заманауи қауіп-қатерлерге қарсы іс-қимыл жөніндегі міндеттерді орындау үшін қажетті іргелі теориялық білім мен практикалық дағдыларды алды.
Түлектерге арнаған сөзінде ҰҚК және Академия басшылығы Ұлттық қауіпсіздік органдарында қызметтің ерекше маңыздылығын атап өтіп, кәсіпқойлық, жауапкершілік, антқа адалдық және қызметтік борышын мінсіз орындау офицердің табысты қызметінің негізі болып табылатынын атап өтті.
Оқудағы жоғары көрсеткіштері үшін 19-ы үздік дипломдармен марапатталды және аға лейтенант арнайы атағы берілді.
Түлектер Комитеттің дәстүрлерін абыроймен жалғастыруға, жүктелген міндеттерді адал орындауға және Қазақстанның қауіпсіздігін қамтамасыз етуге лайықты үлес қосуға дайын екендіктерін білдірді.
Жас офицерлер Комитеттің аумақтық бөлімшелеріне тағайындалды, онда олар қызметтік міндеттерін орындауға кіріседі.
ҰҚК Академиясының кезекті бітірілуі елдің конституциялық құрылысын, егемендігі мен ұлттық мүдделерін қорғау жөніндегі міндеттерді тиімді шеше алатын жоғары білікті кадрларды даярлаудағы маңызды кезең болды.
ҰҚК баспасөз қызметі
2026 жылғы 12 маусымда Түркістан облысында ҰҚК полициямен бірлесіп және прокуратураның үйлестіруімен қылмыстық топтың заңсыз қызметінің жолын кесті.
Тергеу мәліметтері бойынша, топ мүшелері мемлекеттік шекара арқылы өту кезінде кедендік рәсімдерді жеделдетіп өткізу үшін ауыр жүк көліктерінің жүргізушілеріне заңсыз делдалдық қызметтер ұйымдастырды деп күдіктелуде.
Жиналған материалдардың негізінде 17 адамға қатысты сотқа дейінгі тергеп-тексеру басталды, олардың бесеуі уақытша ұстау изоляторына қамалды.
Тінту барысында 5 бірлік атыс және пневматикалық қару, ірі көлемдегі ақша қаражаты, сондай-ақ өзге де заттай дәлелдемелер тәркіленді.
Қылмыстық-процестік кодексінің 201-бабының 1-бөлігіне сәйкес өзге ақпарат жария етуге жатпайды.
ҰҚК баспасөз қызметі
2026 жылғы сәуір-мамыр айларында ҰҚК тергеп-тексерген қылмыстық істер бойынша террористік және экстремистік қылмыстар жасағаны үшін 13 адам әртүрлі мерзімге бас бостандығынан айыру жазасына сотталды.
Олардың бірі, Астана қаласының тұрғыны әлеуметтік желілерде террористік идеологияны насихаттаған, сондай-ақ айналасындағыларды террористік белсенділік аймақтарына шығуға үгіттеген. Сот шешімімен ол 8 жылға бас бостандығынан айырылды.
Екіншісі, Шымкент қаласының тумасы айналасындағыларды Қазақстанда теократиялық мемлекетін құруға шақырып, терроризм идеяларын таратқан. Сот оны 7 жылға бас бостандығынан айыруға үкім шығарды.
Осы кезеңде Астана, Алматы, Шымкент қалаларында, Атырау, Ақтөбе, Жамбыл, Қарағанды, Түркістан және Абай облыстарында осындай қылмыстар жасады деген күдікпен 11 адам, оның ішінде 2 шетелдік және шетелден экстрадицияланған 3 Қазақстан азаматы ұсталды.
Олар Ғаламторда және өз айналасында экстремистік материалдарды таратты, террористік белсенділік аймақтарына шығуға және өздерінің ұстанымдарымен келіспейтін адамдарға қатысты зорлық-зомбылыққа шақырды деп күдіктелуде.
Қылмыстық кодекстің тиісті баптарында сотқа дейінгі тергеп-тексерулер жүргізілуде.
ҚР Қылмыстық-процестік кодексінің 201-бабының 1-бөлігіне сәйкес өзге ақпарат жария етуге жатпайды.
ҰҚК баспасөз қызметі
Биыл 30 мамырда ҰҚК полиция, кеден органдарымен және Орталық Азия өңірлік ақпараттық үйлестіру орталығымен бірлесіп, Алматы қаласының әуежайында есірткіні алып өту әрекетін тоқтатты.
Оңтүстік-Шығыс Азияның бір елінен келген шетел азаматының багажын тексеру барысында шамамен 21 кг өсімдік заты «марихуана» табылған.
Тыйым салынған жүк тәркіленіп, күдікті ұсталды.
Полиция органдары бұл факті бойынша Қылмыстық кодекстің 286-бабының 1-бөлігі бойынша сотқа дейінгі тергеуді бастады.
Қылмыстық-процестік кодекстің 201-бабына сәйкес өзге ақпарат жария етуге жатпайды.
ҰҚК баспасөз қызметі
2026 жылғы 6 маусымда «Астана-Арена» стадионында ҚР ҰҚК күш құрылымдар арасында футболдан VII-ші республикалық турнирдің финалынөткізді.
ҰҚК құрамасы жеңімпаз атанып, ІІМ командасы екінші, МҚК үшінші орын иеленді.
Жарысқа ҚМА, БП, ҚМ және ТЖМ өкілдері де қатысты.
Ойыншылар шеберлік, жеңіске жету ерік-жігері мен жарыстың көркемдігін көрсетті.
Жүлдегерлер мен үздік футболшылар кубоктармен, медальдармен және жүлделермен марапатталды.
Топтық матчтар 18-мамыр мен 4-маусым аралығында өтті.
Қазақстан футбол федерациясына, Астана қаласы әкімдігінің Мәдениет және спорт басқармасына, сондай-ақ төрешілер бригадасына мен жанкүйерлерге белсенді қолдаулары үшін алғыс білдірілді.
ҰҚК баспасөз қызметі
Биыл мамырда ҰҚК СЖҚК 83 сыбайлас жемқорлық құқық бұзушылықты тіркеді.
Сыбайлас жемқорлық фактілерінің басым бөлігі пара алу, тонау, алаяқтық сияқты қылмыстарға қатысты.
Қылмыстық істер бойынша 45 адам күдікті деп танылды.
85 қылмыстық істің тергеуі аяқталды, оның 66-сы сотқа жолданды.
Анықталған залал сомасы (аяқталған қылмыстық істер бойынша) 1,5 млрдтеңгені құрады. Бюджетке 835,3 млн теңге қайтарылды. Бағасы 11,2 млн теңге болатын мүлікке тыйым салынды.
ҰҚК баспасөз қызметі
А.ж. мамырда Ұлттық қауіпсіздік комитеті синтетикалық есірткі өндіретін жасырын зертхананың қызметін тоқтатты.
Мәселен, Алматы облысында психотроптық заттарды дайындап жатқан жерінде Қазақстан азаматы ұсталды.
Тінту барысында 3 кг психотроптық «а-PVP» заты, кристалдану сатысындағы 15 кг өнім, 700 литр прекурсорлар мен зертханалық жабдықтар тәркіленген.
Қылмыстық кодекстің 297-1-бабының 3-бөлімі бойынша сотқа дейінгі тергеу жүргізілуде.
Сот санкциясымен ұсталған адамға қатысты «күзетпен ұстау» бұлтартпау шарасы таңдалды.
Қылмыстық-процестік кодекстің 201-бабының 1-тармағына сәйкес өзге ақпарат жария етуге жатпайды.
ҰҚК баспасөз қызметі
Ұлттық қауіпсіздік комитеті есірткі құралдарының заңсыз айналымына қарсы іс-қимыл жөніндегі жұмысты жалғастыруда.
А.ж. сәуір айынан бастап есірткі жеткізудің 9 халықаралық және 2 өңірлік арнасы жойылды, 1 фитозертхананың қызметі залалсыздандырылды.
Ақтау қаласының әуежайында жалпы салмағы 1 кг болатын 114 апиын капсуласын денесінде өткізуге әрекеттенген шетелдік азамат ұсталды.
Елорда әуежайында Оңтүстік Азия елдерінің бірінен 12 кг гашиш майын жеткізген қазақстандық ұсталды.
Бұдан бөлек, ірі көлемдегі «көкнәр сабағын» контрабандалық жолмен алып өтуге және таратуға, сондай-ақ аталған шикізаттан есірткі құралдарын өндіруге күдікті адамдардың тұрақты қылмыстық тобының құқыққа қайшы әрекетінің жолы кесілді.
Барлығы 3,4 кг апиын, 9 кг гашиш, 11,4 кг синтетикалық есірткі, 18,5 кг гашиш майы, 26,4 кг марихуана, 110 г кокаин және 20 тонна көкнәр сабаны, сондай-ақ 150 литрден астам прекурсор тәркіленді.
Аталған құқық бұзушылықтарды жасады деген күдікпен ҚР 23 азаматы және 3 шетелдік ұсталды.
Аталған фактілер бойынша сотқа дейінгі тергеп-тексеру жүргізілуде.
Қылмыстық-процестік кодекстің 201-бабына сәйкес өзге ақпарат жария етуге жатпайды.
ҰҚК баспасөз қызметі
Ұлттық қауіпсіздік комитеті шет мемлекеттердің құзыретті органдарымен бірлесіп, іздеуде жүрген ҚР азаматтарын елге қайтару жөніндегі операцияныжүргізді.
А.ж. 7 және 12 мамырында шетелдік елдерден ҰҚК арнайы жасағының конвойымен террористік қылмыс жасады деген күдікпен республикамыздың төрт азаматы Отанға жеткізілді.
Аталған адамдар ұзақ уақыт бойы шетелде жасырынып жүрген, ҰҚК бағдары бойынша ұсталды.
Оларға қатысты тиісті қылмыстық істер шеңберінде тергеу әрекеттері жүргізілуде.
Қылмыстық-процестік кодекстің 201-бабының 1-бөлігіне сәйкес өзге ақпарат жария етуге жатпайды.
ҰҚК баспасөз қызметі
Биыл сәуірде ҰҚК полиция органдарымен бірлесіп және прокуратураның үйлестіруімен Алматы, Шымкент қалаларында және бірқатар облыстарда қарудың заңсыз айналымының жолын кесу бойынша жедел-іздестіру іс-шараларын жүргізді.
Барлығы 63 бірлік, оның ішінде 4 «Калашников» автоматы, 38 мылтық, 20 тапанша, «РШГ-2» реактивті шабуыл гранатомет, сондай-ақ 4 граната және188 оқ-дәрі тәркіленді.
Бұдан бөлек, Шығыс Қазақстан облысында жалпы салмағы 346,5 келі болатын өнеркәсіптік жарылғыш зат табылды және тәркіленді.
Көрсетілген фактілер бойынша жедел-іздестіру әрекеттері жүргізілуде.
Қылмыстық-процестік кодекстің 201-бабына сәйкес өзге ақпарат жария етуге жатпайды.
Бұл бағыттағы жұмыстар жалғасуда.
ҰҚК баспасөз қызметі