ТИІСТІ ӨНДІРІСТІК ПРАКТИКАҒА СӘЙКЕСТІК СЕРТИФИКАТЫН (GMP) ҚАЛАЙ АЛУҒА БОЛАДЫ?

GMP – бұл халықаралық стандарт, оның сәйкестігі өндірілген өнімнің жоғары сапасын көрсетеді. Сертификаттың болуы адамдарға дәрі-дәрмектің қауіпсіздігі мен тиімділігіне көз жеткізуге мүмкіндік береді. Стандарт әлемнің жетекші елдерінде кеңінен қолданылады және ірі фармацевтикалық компаниялар оны ұстанады.

Қазақстанда тиісті өндірістік практикаға сәйкестік сертификаты Медициналық және фармацевтикалық бақылау комитетімен беріледі. Рәсім Қазақстан Республикасы Денсаулық сақтау министрінің 2021 жылғы 27 қаңтардағы № ҚР ДСМ-9 «Тиісті фармацевтикалық практикалар жөніндегі фармацевтикалық инспекциялар жүргізу қағидаларын бекіту туралы» бұйрығымен реттеледі.

Сертификат алу үшін өндіруші ең алдымен Медициналық және фармацевтикалық бақылау комитетіне, Төрағаның атына өтініш беруі керек. Өтініш үлгісі жоғарыда көрсетілген бұйрықта бар (1 және 2-қосымшаны қараңыз). Өтінішке құжаттарды қоса беру қажет (тізім 3-қосымшада бар).

Комитет өтінімді қарап, инспекцияланатын ұйымды инспекция жүргізу кестесіне қояды. Фармацевтикалық инспекция аяқталғаннан кейін сіз тиісті фармацевтикалық практикалардың сәйкестігіне сертификатын алуға өтініш бере алатын хабарлама аласыз.

Елеулі және елеусіз сәйкессіздіктер анықталған кезде сәйкессіздік хаттамасы және инспекция жүргізу туралы есеп жасалады. Бұл жағдайда хабарлама сәйкессіздіктер жойылғаннан кейін келеді.

Өтінім 2 жұмыс күні ішінде қаралады. Оны «elicense» порталы арқылы беруге болады. Мемлекеттік қызмет «Денсаулық сақтау» - «Тиісті фармацевтикалық практикалардың сәйкестігіне сертификаттар беру» бөлімінде орналасқан.