Қазақстанда дәрілік заттарды таңбалау және қадағалау ережелері бекітілді
ҚР Денсаулық сақтау министрінің 2022 жылғы 30 мамырдағы № ҚР ДСМ-49 бұйрығымен дәрілік заттар мен медициналық бұйымдарды таңбалау қағидаларына өзгерістер енгізілді. Бұйрық алғашқы ресми жарияланған күнінен кейін күнтізбелік 60 өткен күн өткен соң қолданысқа енгізіледі. Бұйрықты ресми жариялау 2022 жылғы 6 маусымда өтті.
2022 жылғы 1 шілдеден бастап Қазақстанда дәрілік заттарды міндетті таңбалау басталады.
ҚР Үкіметінің 2022 жылғы 25 сәуірдегі қаулысымен міндетті таңбалауға жататын дәрілік заттардың тізімі анықталды. Бірінші кезеңде 2022 жылғы 1 шілдеден бастап өндірілген дәрілік заттар міндетті түрде таңбалануға жатады.
Жоғарыда аталған талаптарды іске асыру үшін ҚР Денсаулық сақтау министрлігі дәрілік заттарды таңбалау және қадағалау және медициналық бұйымдарды таңбалау қағидаларын бекітті.
Бекітілген қағидаларға сәйкес дәрілік заттарды таңбалауды дәрілік заттарды өндіруші (немесе буып-түюші кәсіпорын) мемлекеттік және орыс тілдерінде қаптаманың әрбір бірлігіне (бастапқы, аралық, қайталама) жүзеге асырады.
Осы Қағидалардың талаптары сақтала отырып сәйкестендіру құралдары басылған және тауарларды сәйкестендіру құралдарымен таңбалау процестерін ақпараттық қамтамасыз етуге және айналым процесінде оларды одан әрі қадағалауға арналған тауарларды таңбалау мен қадағалау АЖ-да (бұдан әрі-МПТ АЖ) қамтылатын дәрілік заттар таңбаланған дәрілік заттар деп танылады.
Өз кезегінде, цифрлық таңбалаудың арқасында мемлекеттік органдар, медициналық мекемелер, өндірушілер препараттарды онлайн-режимде тұтынудың нақты көрінісін көре алады.
Дәрілік заттарды сәйкестендіру құралдарымен таңбалауды дәрілік заттарды сатып алуды, сақтауды, Қазақстан Республикасының аумағына әкелуді, дәрілік заттарды өндіруді, таңбалауды, тасымалдауды және өткізуді қамтитын дәрілік заттардың айналымы кезінде Қағидалардың бекітілген тәртібіне сәйкес дәрілік заттар айналымына қатысушылар жүзеге асырады.
Дәрілік затты сәйкестендіру құралы GS1(ГС1) Data Matrix (Дата матрикс) логистикалық бірліктерін есепке алуды және штрих-кодтауды стандарттау саласындағы халықаралық ұйымның стандарттарына сәйкес келетін таңбалардың бірегей тізбегін білдіретін таңбалау кодын қамтиды.
Сәйкестендіру құралдарымен таңбаланған дәрілік заттардың бақылануы осы Қағидалардың талаптарына сәйкес Қазақстан Республикасының аумағында таңбаланған дәрілік заттарды айналымға енгізу туралы, өткізу және (немесе) беру туралы, сондай-ақ айналымнан шығару туралы мәліметтерді дәрілік заттар мен медициналық бұйымдардың айналысы саласындағы субъектілер мен ДЗАҚ ұсыну арқылы қамтамасыз етіледі.
Сауда қызметін реттеу туралы Заңға сәйкес сәйкестендіру құралдарымен таңбалау басылған күннен кейін Қазақстан Республикасының аумағында дәрілік заттардың айналысы таңбалау мен қадағалауды енгізу кезеңділігін сақтау шартымен оларды өткізу туралы мәліметтерді ТТҚ АЖ-ға беру кезінде жүзеге асырылады.
Сәйкестендіру құралдарымен таңбаланған дәрілік заттарды қабылдау ТТҚ АЖ-да дәрілік заттар мен медициналық бұйымдар айналысы саласындағы субъектімен расталады.
Дәрілік заттарды бөлшек саудада қолма-қол ақшамен, қолма-қол ақшасыз және алушының төлемінсіз өткізетін дәрілік заттар мен медициналық бұйымдар айналысы саласындағы субъектілер оларды айналымнан дәрілік заттың тұтыну қаптамасына басылған сәйкестендіру құралын сканерлеу және тану арқылы өзінде орнатылған бақылау-касса машинасымен ұштасатын техникалық құралдармен шығаруды жүзеге асырады.
Айта кетейік, мемлекеттік органдардың дәрілік заттар мен медициналық бұйымдардың айналысы саласындағы субъектінің қызметіне тексеру жүргізуі кезеңінде ТТҚ АЖ-да бұрын ұсынылған мәліметтерге өзгерістер енгізу жүргізілмейді.
Естеріңізге сала кетейік, 2021 жылдың 31 шілдесінде дәрі-дәрмектерді таңбалау және бақылау бойынша пилоттық жоба аяқталды, оған фармацевтика саласының 23 қатысушысы қатысты, олардың арасында өндірушілер, дистрибьюторлар, медициналық және дәріхана ұйымдары болды. Препараттардың 18 сауда атауы Data Matrix кодымен таңбаланған және өндірушіден немесе импорттаушыдан сатуға дейін қадағаланудың барлық жолынан өткен, оның ішінде Трастузумаб, Кетотифен, Натальcид, Эфиренз және басқалары.
Бұйрықтың толық мәтінімен сілтеме бойынша танысуға болады:
http://10.61.42.188/kaz/docs/V2200028315