2023 жылғы 27 қаңтарда Дүниежүзілік денсаулық сақтау ұйымының Еуропалық өңірлік бюросының бастамасымен республика мектептерінде сумен жабдықтау, санитария және гигиена жай-күйін талқылау бойынша кездесу өткізілді. Кездесуге Қазақстан Республикасының Сенаторы Әлназарова Ақмарал Шәріпбайқызы, Қазақстан Республикасы Денсаулық сақтау министрлігінің Cанитариялық-эпидемиологиялық бақылау комитетінің төрағасы Сәдуақасов Нұрқан Олжабайұлы, ДДҰ, «TOILE» әлеуметтік жобасының, Қоғамдық денсаулық сақтау ұлттық орталығының өкілдері қатысты.
Кездесу барысында әлеуметтік жобаның өкілдері «TOILE» - «Қазақстандағы мектеп дәретханалары туралы таза шындық» жобасының алдын ала нәтижелерін таныстырды, мектептердегі WASH үшін ДДҰ стандарттары айтылды, мектептердің жағдайын жақсарту бойынша алдағы қадамдар мен бағыттар талқыланды.