Түркістан облысында карантин талаптарының сақталуын қадағалау мақсатында 104 мобильді топ құрылған. Жыл басынан бері мобильді топ құрамы мен полиция қызметкерлері тарапынан 87730 нысан араланып, 1745-нен карантин талаптарын бұзғаны анықталды. Жеке кәсіпкер-46, заңды тұлғалар-2, лауазымды тұлғалар-26 жеке тұлғалар-1671. . ҚР Әкімшілік құқық бұзушылық туралы Кодексінің 425 бап, 1-бөлігі бойынша толтырылған хаттамалар негізінде, 98 580 015 теңге айыппұл салынды,-деп атап өтті Асқар Искаков. Сондай-ақ, ол той өткізу, көкпар көпшілік орында маска тақпау, қоғамдық тамақтану орындарының жұмыс режимін сақтамауы сынды бұзушылықтардың жиі тіркелетіндігін айтты. Жыл басынан бері тыйым салынған 235 мерекелік іс-шара тіркелді.
Мәселен бір күннің ішінде Сайрам-1, Сарыағаш-1, Мақтарал-1, Отырар-1, Ордабасы-2, Қазығұрт-1 аудандарында жалпы 7 отбасылық мереке ұйымдастырылған. Облыстың Бас мемлекеттік санитариялық дәрігерінің қаулысына сәйкес, қоғамдық тамақтану орындарының жұмыс режимі 9:00-23:00 ге дейін. Дегенмен, уақыт режимін сақтамаған 75 қоғамдық тамақтану орындары анықталды.
Сондай-ақ, 2021 жылдың басынан бері 51 көкпар ұйымдастырылып, 1-компьютерлік клуб, 7 тойханаға сот шешімі шыққан.