Қанат Шарлапаев Шығыс Қазақстан облысына жұмыс сапарымен барды
ҚР Өнеркәсіп және құрылыс министрінің м.а. Қанат Шарлапаев Шығыс Қазақстан облысындағы жұмыс сапары аясында 2024 жылғы 4 ақпанда титанның әлемдегі жетекші өндірушілерінің бірі Өскемен титан-магний комбинатына (ӨТМК) барды.
«ӨТМК» АҚ шикізатты өндіруден соңғы өнімді шығаруға дейін сатылас интеграциясымен белгілі және әлемдік титан нарығының басым бөлшегін, нарық көлемінің 11%-н және аэроғарыштық сегменттің 18%-н құрайды. Комбинаттың серіктестерінің қатарында Boeing, Airbus, Nippon Steel, SNECMA және General Electric секілді жаһандық корпорациялар бар, бұл өндірілетін өнімнің жоғары сапасы мен сенімділігіне назар аударады.
«Ең бастысы, біз дайын металл жасайтын шикізатты өндіріп қана қоймаймыз, бұл өнімді кен орнынан дайын металл өндіруге дейін тұйық өндірістік цикл», – деп атап өтті министрдің м.а.
Комбинат өнімдері, соның ішінде кеуекті титан, титан кесектері және қорытпалары титанның жеңілдігі мен жоғары беріктігін біріктіретін бірегей қасиеттерінің арқасында авиақұрылыс, кеме құрылыс, медицина мен мұнай-химия өнеркәсібі секілді салаларда кеңінен таралады.
Дүйсенбі күні Өнеркәсіп пен құрылыс министрдің м.а. жұмыс сапары кезінде облыстағы 3 ірі кәсіпорынды аралады, соның ішінде – «Казцинк» ЖШС Өскемен металлургия кешені, оның құрамындағы мырыш, мыс және бағалы металдарды өндіру зауыты, электрмен, сумен жабдықтау, автоматтандыру, өнеркәсіптік және азаматтық құрылыс салаларындағы жабдықтар өндіретін «Силумин-Восток» ЖШС өнеркәсіптік кешені және руда концентратын өңдеуден бастап дайын өнім шығаруға дейінгі толық өндірістік циклі бар бериллий өндіру бойынша әлемдегі үш кәсіпорынның бірі және тантал мен ниобий бойынша төрт кәсіпорынның бірі «Үлбі металлургия зауыты» АҚ. Бұл Шығыс Қазақстан облысының Қазақстанда негізгі пайдалы қазбалар мен металдарды өңдеу орталығы ретінде маңыздылығын көрсетеді.
Шығыс Қазақстан облысы еліміздің негізгі ресурстық орталық бола отырып, Қазақстанның өнеркәсіптік әлеуетін нығайтуда маңызды рөл атқарады және жоғары технологиялар саласындағы әлемдік өндірушілермен ынтымақтастықты белсенді дамытуды жалғастыруда.
ҚР Өнеркәсіп және құрылыс министрлігінің баспасөз қызметі