ҚР ИИДМ басшысы еліміздің қорғаныс өнеркәсібі кәсіпорындары қауымдастығының өкілдерімен қорғаныс өнеркәсібін дамыту мәселелерін талқылады.
ҚР Индустрия және инфрақұрылымдық даму министрі Бейбіт Атамқұлов Қазақстанның қорғаныс-өнеркәсіп кешені кәсіпорындары қауымдастығының өкілдерімен кездесті.
Қорғаныс өнеркәсібін дамыту, инженерлік-техникалық кадрларды даярлау, ҒЗТКЖ әзірлеу және отандық кәсіпорындарды мемлекеттік қолдау мәселелері талқыланды.
Бейбіт Атамқұлов қауымдастықтың отандық қорғаныс-өнеркәсіп кешенін дамытудағы маңызды рөлін атап көрсетті.
Анықтама үшін:
Қазақстанның қорғаныс-өнеркәсіп кешенінде 8 мыңнан астам адам еңбек етеді.
2020 жылдың қорытындысы бойынша қорғаныс өнеркәсібі кәсіпорындарының өндіріс көлемі 180,6 млрд теңгені құрады.
Қорғаныс өнеркәсібі кешені қауымдастығы оның мүшелерінің кәсіпкерлік қызметін үйлестіру; қауымдастық мүшелерінің мүдделері мен құқықтарын қорғау; қорғаныс-өнеркәсіптік саясат мәселелері бойынша ҚР заңнамалық-құқықтық базасын жетілдіруге жәрдемдесу; инновациялық экономиканы дамыту; өндірістің тиімділігін арттыру, шығындарды азайту, кооперацияны жақсарту және қорғаныс-өнеркәсіптік кешенде мемлекеттік-жекешелік әріптестік тетіктерін дамыту; қауымдастық мүшелері арасында ақпарат алмасуды ұйымдастыру; отандық қорғаныс өнеркәсібі кәсіпорындарының бәсекеге қабілеттілігін арттыру, оларды әртараптандыру және жоғары технологиялық өндірістер енгізу; ҚӨК отандық кәсіпорындарын мемлекеттік қолдау шараларын нығайту; мемлекеттік инновациялық және инвестициялық саясаттың тиімділігін арттыруға жәрдемдесу, импорт алмастыруды дамыту; қауымдастық кәсіпорындарының өнімдерін ішкі және сыртқы нарықтарда ілгерілету мақсатында құрылды.