Өзара ынтымақтастық туралы меморандум

  ҚР ТЖМ Азаматтық қорғаныс және әскери бөлімдер комитеті мен «М.С. Нәрікбаев атындағы ҚАЗГЗУ университеті» АҚ білім беру, ғылыми-практикалық және кадрлық өзара іс-қимылды дамытуға бағытталған ынтымақтастық туралы меморандумға қол қойды.

  Құжат білім беру бағдарламаларын жетілдіру, студенттердің оқу және өндірістік тәжірибелерін, тағылымдамаларын ұйымдастыру, ғылыми-практикалық іс-шаралар өткізу, сондай-ақ тараптар арасында кәсіби тәжірибе алмасу бойынша бірлескен жұмысты көздейді.

  Ынтымақтастық білім беру ұйымдары мен мемлекеттік құрылымдар арасындағы байланысты нығайтуға, мамандар даярлау сапасын арттыруға және білім алушылардың кәсіби дамуына қосымша мүмкіндіктер жасауға ықпал етеді.

  Меморандумға қол қою білікті кадрлар даярлау және білім беру мен азаматтық қорғаныс салаларындағы бірлескен бастамаларды жүзеге асыруға бағытталған серіктестікті дамытудағы маңызды қадам болды.