Тәуелсіз Мемлекеттер Достастығына қатысушы мемлекеттердің Геодезия, картография, кадастр және Жерді қашықтықтан зондтау жөніндегі Мемлекетаралық кеңесінің кезекті XLV сессиясы 2023 жылғы 4-6 қазаннан бастап Витебск қаласында (Беларусь) өтеді.
Отырыс жұмысына Қазақстан Республикасы Цифрлық даму, инновациялар және аэроғарыш өнеркәсібі министрлігі Геодезия және картография комитетінің төрағасы - Бекмұқашев Қажымұқан Ахматдинұлы бастаған Қазақстан Республикасының делегациясы қатысады.
Мемлекетаралық кеңесте Мемлекетаралық Кеңестің XLIV сессиясының шешімдерін орындау мәселелері қаралады, сессияаралық кезеңде ТМД-ға қатысушы мемлекеттердің картографиялық – геодезиялық қызметтерінің қызметі туралы хатшылық пен Мемлекетаралық Кеңестің жұмыс топтары қызметінің нәтижелері туралы, кеңістіктік деректердің ұлттық жүйелерін құру салаларында тәжірибе алмасу мәселелері, ТМД-ға қатысушы мемлекеттердің Геодезия саласында кадрлар даярлау жөніндегі базалық ұйымы қызметінің нәтижелері, картография, кадастр және Жерді қашықтықтан зондтау – Мәскеу мемлекеттік геодезия және картография университеті (ММГжКУ), ТМД-ға қатысушы мемлекеттердің геопорталы мен кеңістіктік деректерін құру тұжырымдамасын іске асыру туралы баяндамалар тыңдалады.
Сессия жұмысына Армения Республикасының, Беларусь Республикасының, Қазақстан Республикасының, Қырғыз Республикасының, Ресей Федерациясының, Тәжікстан Республикасының, Өзбекстан Республикасының картографиялық-геодезиялық қызметтерінің басшылары мен өкілдері, ТМД Атқарушы комитетінің өкілі қатысады.