Қауіпсіз еңбек жағдайларын жасау-басты назарда: Ұлытау облысы бойынша Мемлекеттік еңбек инспекциясы департаменті заңды тұлғалардың салалық бірлестігімен, кәсіподақтар конфедерациясымен және жұмыс берушілермен кеңес өткізді.

Елімізде азаматтардың еңбек құқықтарын қорғауды күшейтуге бағытталған елеулі шаралар кәсіподақ ұйымдарымен іске асырылуда. Кәсіподақ ұйымдарының алдында тұрған мақсаты жұмысшыларға жайлы еңбек жағдайын туғызу болып табылады.
Бүгін, 2025 жылдың 4 тамызы күні Қазақстан Республикасының Еңбек және халықты әлеуметтік қорғау министрлігі Мемлекеттік еңбек инспекциясы комитетінің Ұлытау облысы бойынша департаментінің басшысы Ж. Рүстемов, департаменттің бөлім басшылары Ғ.Жақып, М.Шаяхметов, бас маман М.Сүйеубаев және кәсіпкерлік палатасы жанындағы кеңестердің төрағалары мен мүшелерімен кездесу өткізіліп, өз қызметтері жайында сөз қозғап, алдағы уақытта бірлесіп жұмыс бойынша мәселелер талқыланды.
Кездесу барысында қауіпсіз еңбекті қамтамасыз ету, жұмыскерлердің денсаулығын сақтау, кәсіби сырқаттағы және өндірістегі зақымдануды болдырмау мәселелері талқыланды.