ЕҢБЕК ҚҰҚЫҚТАРЫН ҚОРҒАУ ҮШІН ДИАЛОГ: Қостанай облысы бойынша Мемлекеттік еңбек инспекциясы департаменті заңды тұлғалардың салалық бірлестігімен, кәсіподақтар конфедерациясымен және жұмыс берушілермен кеңес өткізді.

2025 жылғы 1 тамызда Кәсіподақтар үйінде бірлескен отырыс өтті, оған: Бөлім басшысы Темірхан Ерлан Темірханұлы, Аронова Ирина Петровна, «Қостанай облысының кәсіподақ орталығы» ТОП төрайымы, Сюндиков Қайрат Жанділдинұлы – Қазақстан Республикасы Мемлекеттік қызмет істері жөніндегі мемлекеттік мекемесінің Әдеп жөніндегі уәкілі, Ахметқали Арман Уәлиханұлы – Республикалық еңбекті қорғау ғылыми-зерттеу институты филиалының директоры; өнеркәсіп және жергілікті кәсіподақ өкілдері қатысты. Кездесудің мақсаты еңбек заңнамасын сақтаудың өзекті мәселелерін талқылау, инспекция мен кәсіподақтар арасындағы өзара іс-қимылды күшейту, сондай-ақ жұмысшылардың еңбек құқықтарын бірлесіп қорғау тетіктерін әзірлеу болды. Жиын соңында өндірістік жарақаттардың алдын алу, еңбекақыны уақтылы төлеу, еңбекті қорғау сапасын арттыру және цифрлық бақылау құралдарын енгізу мәселелері де талқыланды. Қатысушылар әрбір жұмысшы үшін лайықты және қауіпсіз еңбек жағдайларын қамтамасыз ету үшін бірлескен жұмысты жалғастыруға және өзара іс-қимылды нығайтуға келісті.