«Digital Silk Road Company» жауапкершілігі шектеулі серіктестігінің Байқау кеңесінің тәуелсіз мүшелерін іріктеу жөніндегі конкурсты өткізу туралы хабарландыру

«Digital Silk Road Company» жауапкершілігі шектеулі серіктестігінің Байқау кеңесінің тәуелсіз мүшелерін іріктеу жөніндегі конкурсты өткізу туралы хабарландыру
  1. Қазақстан Республикасы Қаржы министрлігінің Мемлекеттік кірістер комитеті (бұдан әрі – Комитет) «Digital Silk Road Company» жауапкершілігі шектеулі серіктестігінің Байқау кеңесінің тәуелсіз мүшелерін іріктеу жөніндегі конкурс (бұдан әрі – конкурс) жариялайды.
  2. Конкурсты өткізу күні: құжаттарды қабылдау аяқталғаннан кейінгі келесі жұмыс күні.

Конкурсты өткізу орны: Қазақстан Республикасы, Астана қаласы, Сарыарқа ауданы, Жеңіс даңғылы, 11-ғимарат.

  1. Кәсіпорын атауы:«Digital Silk Road Company» жауапкершілігі шектеулі серіктестігі (бұдан әрі – Серіктестік).

Серіктестіктің орналасқан жері: Қазақстан Республикасы, Астана қаласы, Сарыарқа ауданы, Сарыарқа даңғылы, 5А ғимараты, 4 тұрғын емес үй-жай.

Серіктестіктің пошталық мекенжайы: Қазақстан Республикасы, Астана қаласы, Сарыарқа ауданы, Сарыарқа даңғылы, 5А ғимараты, 4 тұрғын емес үй-жай, пошталық индексі 010000.

Серіктестіктің телефоны:+7 (701) 5370679.

Серіктестік қызметінің негізгі бағыттары: жылжымайтын мүлікті басқару, логистика, цифрлық технологиялар және АТ-инфрақұрылым.

4. Конкурсқа қатысушыларға қойылатын талаптар:

жоғары білімінің;

логистика және (немесе) IT-қызмет, экономика (қаржы), құқық салаларында және (немесе) Серіктестік бейіні бойынша және (немесе) бизнес саласында кемінде 5 (бес) жыл жұмыс тәжірибесінің;

логистика және (немесе) IT-қызмет, экономика (қаржы), құқық саласында және (немесе) Серіктестік бейіні бойынша және (немесе) бизнес саласында кемінде 5 (бес) жыл басқарушылық (заңды тұлғаның басшысы немесе оның орынбасары) жұмыс тәжірибесінің;

логистика және (немесе) IT-қызмет, экономика (қаржы), құқық саласында және (немесе) Серіктестік бейіні бойынша және (немесе) бизнес саласындағы қоғамдық бірлестіктерде кемінде 5 (бес) жыл мүше болуы;

соттылығының және сыбайлас жемқорлық құқық бұзушылықтарының болмауы.

Шектеулер: өтелмеген соттылығы бар, заңды тұлғаны банкрот деп тану туралы шешім қабылданғанға дейін 1 (бір) жылдан астам уақыт осы заңды тұлғаның басшысы болған, бұрын сыбайлас жемқорлық құқық бұзушылық жасаған, Байқау кеңесінің басқа мүшесімен немесе Серіктестік директорымен жақын туыстық және жекжаттық қатынастағы тұлғаларға жол берілмейді.

  1. Конкурсқа қатысу туралы өтінішке (бұдан әрі – өтініш) қоса берілетін құжаттардың тізбесі, оның ішінде Серіктестіктің лауазымды тұлғаларына қатысты үлестестік туралы мәліметтер:
  • 1) осы Конкурстық құжаттамаға 1-қосымшаға сәйкес нысан бойынша конкурсқа қатысу туралы өтініш;
  • 2) мемлекеттік және орыс тілдеріндегі түйіндеме;
  • 3) өмірбаян (еркін нысанда жазылған);
  • 4) цифрлық құжаттар сервисі арқылы қалыптастырылған қатысушының жеке басын куәландыратын құжаттың көшірмесі;
  • 5) жоғары білім туралы құжаттың көшірмесі;
  • 6) Қазақстан Республикасы Еңбек кодексінің 35-бабына сәйкес қызметкердің еңбек қызметін растайтын құжаттың көшірмесі;
  • 7) қатысушының соттылығы мен сыбайлас жемқорлық құқық бұзушылықтарының жоқтығын растайтын, Қазақстан Республикасы Бас прокуратурасының Құқықтық статистика және арнайы есепке алу комитетінің аумақтық бөлімшелері берген құжаттар.
  1. Конкурс қатысушысы өзінің біліміне, жұмыс тәжірибесіне, кәсіби деңгейіне қатысты қосымша ақпаратты (біліктілігін арттыру, ғылыми дәрежелер мен атақтар берілуі туралы құжаттардың көшірмелерін, ғылыми жарияланымдарды, бұрынғы жұмыс орнының басшылығынан ұсынымдарды) ұсына алады.
  2. Құжаттарды беру тәртібі:

Өтініш «Түпнұсқа» деп белгіленген конвертте болуы керек;

Конвертте «Digital Silk Road Company» жауапкершілігі шектеулі серіктестігінің Байқау кеңесінің тәуелсіз мүшелерін конкурстық іріктеу» және «2026 жылғы «___»__________  __:__ сағатқа дейін ашылмасын» деген жазу болуы тиіс (конверттерді ашу күні мен уақыты Комитеттің және Серіктестіктің сайтында көрсетілген).

Құжаттарды қабылдау мерзімі – хабарландыру жарияланған күннен бастап 15 (он бес) күнтізбелік күн.

Өтініштерді қабылдау мекенжайы: Астана қаласы, Сарыарқа ауданы, Жеңіс даңғылы, 11-ғимарат, 1-қабат (кеңсе).

Әңгімелесу Комитетте өткізіледі.

Толық ақпарат конкурстық құжаттама сілтемесінде https://nzhkeden.kz/news/60 көрсетілген.