Қазақстан халықаралық қызметте жұмыс істеуге арналған мемлекеттік қызметшілердің тілдік біліктілігін арттыруда

       Әлемдік сауда мен интеграциялық үдерістердің белсенді қатысушысы ретінде Қазақстан халықаралық нарықтардағы қатысу аясын тұрақты түрде кеңейтіп келеді. Осыған байланысты Қазақстан Республикасы Қаржы министрлігінің Мемлекеттік кірістер комитеті (бұдан әрі – МКК) қызметкерлері шетел тілдерін мақсатты түрде үйренуде. Аталған жоба аясында Астанада МКК-ның Оқу-әдістемелік орталығы базасында заманауи лингафон кабинеті салтанатты түрде ашылды.

      Жаңа оқу сыныбы заманауи жабдықтармен қамтамасыз етілген: жеке жұмыс орындары мен гарнитуралар, интерактивті панель және мамандандырылған бағдарламалық қамтамасыз ету шетел тілдерін тиімді әрі ыңғайлы үйренуге барлық жағдай жасайды.

      Жоба Қазақстандағы Халықаралық көші-қон ұйымының (ХКҰ) – БҰҰ-ның көші-қон агенттігінің қолдауымен, Канада иммиграция, босқындар және азаматтық істер министрлігі қаржыландыратын «Ауғанстаннан Пәкістан мен Орталық Азияға қоныс аударған азаматтардың қызметтерге қолжетімділігін арттыру және көші-қонды басқаруды жетілдіру» бастамасы аясында жүзеге асырылды.

     Ашылу рәсіміне келесі тұлғалар қатысты:

     – ҚР Қаржы министрлігі Мемлекеттік кірістер комитетінің төрағасы Жандос Дүйсембиев;

     – Канада Елшілігінің істер жөніндегі уақытша сенімді өкілі Зейнаб Алиева;

    – Қазақстандағы ХКҰ миссиясының жетекшісі Серхан Актопрак.

      Сөз алғандар халықаралық ынтымақтастық жағдайында жұмыс сапасын арттыру үшін тілдік дағдыларды дамытудың маңыздылығын атап өтті.

      «Шетел тілдерін білу – бұл жай ғана қосымша дағды емес, ол біздің қызметкерлеріміздің кәсіби өсуі үшін қажетті шарт. Бұл шетелдік әріптестермен, халықаралық ұйымдармен тиімді өзара іс-қимыл жасауға және қызметтік міндеттерін сапалы орындауға мүмкіндік береді», – деп атап өтті МКК төрағасы.