2025 жылғы 8 қыркүйекте Түркістан қаласында Түркі мемлекеттері ұйымының Кеден қызметтері әкімшіліктері басшыларының он бірінші отырысы өтті.

      Кездесу шеңберінде Қазақстан Республикасының Қаржы министрлігі мен Түркия Республикасының Сауда министрлігінің арасында өзара саудадағы статистикалық деректермен алмасу саласындағы ынтымақтастық туралы хаттамаға қол қойылды.

      Құжат екіжақты өзара іс-қимылды дамытуға бағытталып, келесіні көздейді:
- тауарлардың өзара саудасы бойынша статистикалық ақпаратпен тұрақты алмасу;
- сыртқы сауда статистикасын қалыптастырудағы әдіснамалық тәсілдерін келісу;
- сыртқы сауда статистикасының салыстырмалылығы мен дұрыстығын арттыру.

      Хаттамаға қол қою Қазақстан мен Түркия арасындағы экономикалық байланыстарды нығайтудағы маңызды қадам болды, сондай-ақ екі тараптың мүддесі үшін ашық және тиімді деректер алмасуды қамтамасыз етуге ықпал ететін болады.