"Кеден"жаңа кедендік ақпараттық жүйесін әзірлеу жөніндегі іс-шараны өткізу туралы

Қазақстан Республикасы Қаржы министрлігінің Мемлекеттік кірістер комитеті қазіргі уақытта функционалы кедендік декларациялау және кедендік әкімшілендіру кезінде пайдаланылатын «Кеден» жаңа кедендік ақпараттық жүйесін (бұдан әрі – «Кеден» АЖ) әзірлеу жөніндегі іс-шаралар жүргізіліп жатқанын хабарлайды.

Кезең-кезеңімен «Кеден» АЖ-ға «АСТАНА-1» және «Экспорттық-импорттық операциялар бойынша бірыңғай терезе» қолданыстағы ақпараттық жүйелерінің функционалы көшірілетін болады.

Сонымен қатар, ағымдағы жылдың сәуір айынан бастап пилоттық режимде экспресс-жүктерге арналған тауарларға арналған декларация (ЭЖТД) және экспресс-жүктерге арналған жолаушылар кедендік декларациясы (ЭЖЖКД) арқылы экспресс-жүктерді декларациялау модулі іске қосылды.

«Кеден» АЖ функционалын іске асырудың келесі кезеңі алдын ала ақпараттандыру, кедендік транзит, тауарларды уақытша сақтау, кедендік баждарды, салықтарды, арнайы, демпингке қарсы, өтемақы баждарын төлеу жөніндегі міндеттерді орындауды қамтамасыз етуді тіркеу, интеграцияланған бақылауды жүргізу және т. б. бойынша кедендік операцияларды жасауға байланысты модульдерді іске қосу болып табылады.

Аталған функционалды іске қосу ағымдағы жылдың 2 қыркүйегінен басталады деп жоспарлануда.

Нұсқаулықтармен және пайдаланушы нұсқаулығымен танысу «Нұсқаулар» бөліміндегі https://keden.kgd.gov.kz сілтемесі бойынша мүмкін бар