БҚО-да рейдтік іс-шаралар барысында 8 мыңнан астам қорап заңсыз темекі тәркіленді

Темекі өнімдерінің заңсыз саудасымен күрес бойынша рейдтік іс-шаралар

Батыс Қазақстан облысы бойынша Мемлекеттік кірістер департаментінің аумақтық бөлімшелері «Мирлан» базары мен «Аяжан» сауда үйі аумағында жүргізген рейдтік іс-шаралар барысында сәйкестендіру құралдары мен есепке алу-бақылау маркалары (ЕБМ) жоқ темекі өнімдерін заңсыз сату фактілері анықталды.

📦 Тексеру нәтижесінде 8236 қорап акциздік өнім тәркіленді.

📝 Анықталған фактілер бойынша әкімшілік іс материалдары жасақталып, процессуалдық шешім қабылдау үшін сотқа жолданды.

❗ Естеріңізге саламыз, есепке алу-бақылау маркаларынсыз темекі өнімдерін сату — Қазақстан Республикасы заңнамасының бұзылуы болып табылады және Әкімшілік кодекске сәйкес жауапкершілікке әкеп соғады.

📢 Тек заңды өнімді сатып алыңыз. Бұл — сіздің қауіпсіздігіңіз бен денсаулығыңыз үшін маңызды.