Жаңа Салық Кодексі тақырыбындағы Жамбыл облысының Т.Рысқұлов ауданы бойынша мемлекеттік кірістер басқармасында семинар өтті

Жамбыл облысының Т.Рысқұлов ауданы бойынша мемлекеттік кірістер басқармасында 2026 жылдан бастап күшіне енетін жаңа Салық кодексіндегі негізгі өзгерістер бойынша салық төлеушілерге арналған семинарлар өтті.

Іс-шараға қатысушылар – жеке кәсіпкерлер, жеке тұлғалар, шаруа қожалықтарының басшылары, бухгалтерлер – салық заңнамасындағы алдағы жаңалықтармен танысып, өздерін қызықтырған сұрақтарын қою мүмкіндігіне ие болды.

Семинар барысында келесі мәселелер қаралды: арнайы салық режимдерінің өзгеруі, ҚҚС реформасы, салықтық жеңілдіктер және басқа да тақырыптар.

Ашық диалог форматында өткен кездесу салық төлеушілерге алдағы өзгерістерге дайындалу бойынша нақты ұсыныстар алуға, сондай-ақ өзекті мәселелерді талқылауға мүмкіндік берді.

Жамбыл облысы бойынша МКД

Түсіндіру жұмысы және Байланыс-орталығы басқармасы