Шығыс Қазақстан облысы бойынша Мемлекеттік кірістер департаментінде заңсыз ойын бизнесі мен лудоманияға қарсы іс-қимыл жөніндегі семинар

Шығыс Қазақстан облысы бойынша Мемлекеттік кірістер департаментінде 2025 жылдың 02 мамырда заңсыз ойын бизнесі мен лудоманияға қарсы іс-қимыл бойынша семинар өтті.
Оны Шығыс Қазақстан облысы бойынша Мемлекеттік кірістер департаменті басшысының орынбасары-Әдеп жөніндегі уәкіл Койшинов Казыбек Кадесович "Антарес А" қоғамдық қорының психологы Байбусунов Серик Абылкасыновичтың қатысуымен өткізді.
"Антарес А" қоғамдық қорының психологы С.А. Байбусунов өз сөзінде лудоманияның негізгі проблемаларын, оның пайда болу себептерін, ойын бизнесі мен лудоманияға бейімділігі бар адамдар үшін туындайтын салдарларды атап өтті.
Психолог лудоманияға тәуелділік есірткіге, алкогольге тәуелділікке ұқсас екенін бөлек атап өтті.
Семинар ойын түрінде өтті, семинар соңында қойылған сұрақтарға толық жауаптар берілді.