«e-gov» порталында декларацияны тапсырудың жаңа сервисі іске қосылды
Жалпыға бірдей декларациялау аясында салық декларациясын тапсыру үшін жаңа функционал іске қосылды. Бұл туралы Қазақстан Республикасы Қаржы министрлігінің Мемлекттік кірістер комитетінде хабарлады.
«Электрондық үкімет» порталында (Е-gov.kz) «Кеден және салықтар», «Салық салу» бөлімінде кірістер мен мүлік туралы декларацияны (270.00-нысан) электронды түрде ұсыну бойынша функционал іске қосылды.
«Салық және бюджетке төленетін басқа да міндетті төлемдер туралы» Қазақстан Республикасының Кодексінің (бұдан әрі – Салық кодексі) 633-бабына сәйкес кірістер мен мүлік туралы декларацияны (270.00-нысан) Салық кодекстің 630-бабының 1-тармағында аталған жеке тұлғалар жыл сайын, активтер мен міндеттемелер туралы декларация (250.00-нысан) ұсынылатын жылдан кейінгі жылдан бастап есепті салықтық кезеңнің 31 желтоқсанындағы жағдай бойынша ұсынады.
«Салық және бюджетке төленетін басқа да міндетті төлемдер туралы» Қазақстан Республикасының Кодексін қолданысқа енгізу туралы» Қазақстан Республикасының 2017 жылғы 25 желтоқсандағы No 121-VI ҚРЗ Заңының 45-1-бабының негізінде», Қазақстанда жалпыға бірдей декларация 4 кезеңнен тұрады.
1 кезең – 2021 жылдың 1 қаңтарынан бастап
- жауапты мемлекеттік қызмет атқаратын адамдар және олардың жұбайлары;
- мемлекеттік функцияларды орындауға уәкілетті адамдар және олардың жұбайлары;
- мемлекеттік функцияларды орындауға уәкілеттік берілген адамдарға теңестірілген адамдар және олардың жұбайлары;
- Қазақстан Республикасының Конституциясына сәкес «Қазақстан Республикасындағы сайлау туралы» және «Сыбайлас жемқорлыққа қарсы күрес туралы», «Қазақстан Республикасындағы банктер және банк қызметі туралы», «Сақтандыру қызметі туралы», «Бағалы қағаздар нарығы туралы» заңдарына сәйкес декларация беруге міндетті тұлғалар.
2 кезең – 2023 жылдың 1 қаңтарынан бастап
- мемлекеттік мекемелердің қызметкерлері (оның ішінде білім беру, денсаулық сақтау, мәдениет, спорт және т.б.) және олардың жұбайлары;
- квазимемлекеттік сектор субъектілерінің қызметкерлері және олардың жұбайлары.
3 кезең – 2024 жылғы 1 қаңтардан бастап
- заңды тұлғалардың басшылары, құрылтайшылары (қатысушылары) және олардың жұбайлары;
- жеке кәсіпкерлер және олардың жұбайлары.
4 кезең – 2025 жылғы 1 қаңтардан бастап
- азаматтардың қалған санаттары
Декларацияны ұсынудың соңғы мерзімі:
15 шілдеге дейін – қағаз жүзінде
15 қыркүйекке дейін – электронды түрде
Электрондық нысандағы декларацияны «Салық төлеуші кабинеті» және «e-Salyq Azamat» мобильді қосымшасы арқылы да тапсыруға болады. Активтер мен міндеттемелер туралы декларацияны (250.00 нысаны) E-gov.kz порталында ұсынуға болады.