Құрметті салық төлеушілер!
Мемлекеттік кірістер департаменті 01.01.2026 жылдан бастап жаңа Салық кодексіне енгізілген өзгерістерді ескере отырып, жалпы декларациялау туралы хабарлайды.
Қазақстан Республикасының 2025 жылғы 18 шілдедегі № 214-VIII жаңа Салық кодексінде жалпыға бірдей декларациялау туралы ережелер көрсетілген:
- 42-тарауда «Жеке тұлғалардың активтері мен міндеттемелері туралы декларация» - 250.00-декларация бойынша;
- 41-тарауда «Жеке табыс салығын есептеу, төлеу және жеке тұлғаның дербес салық салуға жататын табыстары бойынша салық есептілігін табыс ету тәртібі» - 270.00-декларация бойынша.
Жаңа 250.00, 270.00 нысандары Қазақстан Республикасы Қаржы министрінің 2025 жылғы 12 қарашадағы № 695 бұйрығымен бекітілді.
Алдыңғы салық кезеңдері үшін декларацияны тапсырған жағдайда олар бұрын бекітілген нысан бойынша табыс етілуге тиіс. 2026 жылғы салық кезеңі үшін декларацияны тапсыру кезінде – жаңа нысан бойынша.