Жеке табыс салығын (ЖТС) қайтару

         Егер сізде артық немесе қате төленген жеке табыс салығының сомасы болса, оны қайтаруға өтініш бере аласыз.

         Қандай жағдайларда қайтаруға болады?

 салықтың артық төленуі кезінде;

 салықтың қате төленуі кезінде;

 Қазақстан Республикасының салық заңнамасында көзделген өзге де жағдайларда.

         Өтінішті қалай беруге болады?

Салықты қайтару туралы салықтық өтінішті Салық төлеушінің кабинеті арқылы беруге болады.

         Қарау мерзімі

Артық немесе қате төленген салық сомасын қайтару туралы салықтық өтініш қажетті құжаттар болған жағдайда, ол берілген күннен бастап 5 жұмыс күні ішінде қаралады.

         Өтініш берер алдында салық төлеушінің дербес шотының жай-күйін тексеріп, қайтаруға жататын соманың бар екеніне көз жеткізу ұсынылады.