Таксопарктердің жүргізушілерге салықтар мен міндетті төлемдерді төлеу міндеттерді

        Таксопарктердің жүргізушілерге салықтар мен міндетті төлемдерді төлеу міндеттері

Қазақстан Республикасының қолданыстағы Салық кодексіне сәйкес, жеке тұлғаларға табыс төлейтін заңды тұлғалар мен жеке кәсіпкерлер салық агенті болып табылады.

       Қашан таксопарк салық агенті болып саналады

Егер таксопарк жүргізушіге табыс төлесе (тапсырыстарды бөлу, комиссияны ұстап қалу және қалған табысты аудару арқылы), ол міндетті түрде:

• жүргізушінің табысынан салықты есептеу;

• табыс төленген кезде салықты ұстап қалу;

• салықты бюджетке аудару;

• заңнамамен белгіленген міндетті төлемдерді есептеу және төлеу.

        Қандай төлемдер төленуі тиіс

Егер еңбек қатынастары болса немесе жеке тұлғаға табыс төленсе, таксопарк міндетті түрде:

• жеке табыс салығын;

• міндетті зейнетақы жарналарын;

• әлеуметтік аударымдарды;

• міндетті әлеуметтік медициналық сақтандыру жарналарын;

• заңнамада белгіленген басқа да міндетті төлемдерді есептеп, төлеу керек.

        Егер жүргізуші арнайы салық режимін қолданса

Жүргізуші жеке кәсіпкер ретінде тіркелген немесе арнайы салық режимін қолданса, ол салық міндеттемелерін өз бетінше орындайды, егер заң басқа талап қоймаса.

       Салық агентінің жауапкершілігі

Салық агенті салықтарды және міндетті төлемдерді дұрыс есептеу, ұстап қалу және уақытында бюджетке аудару үшін жауапты.

       Салық агентінің міндеттерін орындау қызметтің заңдылығын, жеке тұлғалардың әлеуметтік қорғалуын және есеп-қисаптың айқындылығын қамтамасыз етеді.