Халықтың әлеуметтік осал топтары қатарындағы адамдарға арналған гранттар

Жаңа бизнес-идеяларды іске асыруға арналған гранттар (бұдан әрі-гранттар) халықтың әлеуметтік осал топтары қатарындағы адамдарға конкурстық негізде 400 еселенген айлық есептік көрсеткіштің мөлшеріне дейін беріледі, оларға мыналар жатады:

1) атаулы әлеуметтік көмек алушылар;

2) төрт және одан да көп бірге тұратын кәмелетке толмаған балалары бар көп балалы отбасыларға, оның ішінде жалпы орта, техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдарында жалпы білім беретін немесе кәсіптік бағдарламалар бойынша күндізгі оқу нысанында оқитын балаларға, олар он сегіз жасқа толғаннан кейін білім беру ұйымдарын бітірген уақытқа дейін ай сайынғы мемлекеттік жәрдемақы алушылар (бірақ жиырма үш жасқа толғанға дейін) және (немесе) оның жұбайы (зайыбы);

3) асыраушысынан айрылу жағдайы бойынша әлеуметтік төлем алушылар;

4) қоныс аударушылар;

5) қандастар;

6) еңбекке қарсы көрсетілімдері жоқ мүгедектігі бар адамдар;

7) мүгедектігі бар бала (мүгедектігі бар балаларды) тәрбиелеп отырған адамдар және (немесе) оның жұбайы (зайыбы).

Гранттар жұмыссыз немесе дара кәсіпкер ретінде мемлекеттік тіркеу мерзімі үш жылдан аз дара кәсіпкер ретінде грант алуға өтініш бергенге дейін тіркелген жағдайда халықтың әлеуметтік осал топтарына беріледі.

Бұл ретте тиісті қаржы жылының республикалық бюджеті туралы заңда белгіленген айлық есептік көрсеткіштің мөлшері қолданылады.

Егер жеке тұлға дара кәсіпкер ретінде тіркелгеннен кейін қандай да бір себептермен грант ала алмаса, онда ол өз қызметін уақытша тоқтатуға немесе толығымен тоқтатуға құқылы. Бұл рәсімдер арқылы ол салықтық есептілікті тапсырмау мүмкіндігіне ие болады және әкімшілік жауапкершілікке тартылудан қорғалады.