Қазақстан Республикасының аумағынан ауыл шаруашылығы жануарларын әкетуге тыйым салу

Павлодар облысы бойынша Мемлекеттік кірістер департаменті Қазақстан Республикасынан тыс жерлерге ауыл шаруашылығы жануарларын әкетуге шектеу шараларының туралы еске салады.

Ауыл шаруашылығы министрінің 2025 жылғы 4 қарашадағы № 415 және 416 "Ауыл шаруашылығы жануарларын әкетудің кейбір мәселелері туралы" жаңа бұйрықтарына сәйкес 5 қарашадан бастап ірі қара малдың бұқашықтарын әкетуге тыйым салынды. Сондай-ақ қой мен ешкіні әкетуге сандық шектеулер (квоталар) белгіленді. Квоталау шеңберінде 120 мың бас 4 айдан асқан еркек тоқты мөлшеріндегі тірі қойлар мен ешкілерді экспорттауға рұқсат етіледі.

Тыйым салу мен шектеулер 2026 жылғы 30 сәуірге дейін жалғасады.

Шаралар елдің азық-түлік қауіпсіздігін қамтамасыз ету, ішкі нарықты тұрақтандыру және отандық қайта өңдеу кәсіпорындарын жүктеу мақсатында енгізілді.

Павлодар облысы бойынша МКД түсіндіру жұмысы және Байланыс-орталығы басқармасы