Қызметті оңайлатылған тәртіппен тоқтату

Маңғыстау облысы бойынша Мемлекеттік кірістер департаменті қызметті тоқтату туралы салықтық өтінішті беру кезінде бір мезгілде мынадай шарттарға сәйкес келетін дара кәсіпкерлер қызметін оңайлатылған тәртіппен тоқтатуға жататынын хабарлайды:

- қосылған құн салығын төлеуші ретінде тіркеу есебінде тұрмайтын;

- бірлескен кәсіпкерлік нысанында қызметті жүзеге асырмайтын;

- Салық кодексінің 88-бабының 1-тармағында көрсетілген жекелеген қызмет түрлерін жүзеге асырмайтын;

- тәуекелдерді бағалау жүйесі іс-шараларының нәтижелері бойынша іріктелген салықтық тексерулер тізімінде жоқ не тәуекел дәрежесін бағалау негізінде ерекше тәртіп бойынша жүргізілетін салықтық тексерулердің, сондай-ақ тәуекел дәрежесін бағалау негізінде мерзімдік салықтық тексерулердің жартыжылдық графигінде жоқ;

- салықтық берешегі, әлеуметтік төлемдер бойынша берешегі жоқ;

- тәуекелдерді басқару жүйесі бойынша тәуекелдердің жоғары деңгейі жоқ.