Жұмыс процестерін этикалық қолдау: жоспарлы Нұсқаулық

Қостанай облысы бойынша Мемлекеттік кірістер департаментінде мереке күндері қарсаңында қызметкерлерге арналған профилактикалық техникалық оқу өткізілді.
Іс-шара барысында мемлекеттік қызметшілердің қызметтік әдеп нормаларын және жалпыға бірдей моральдық-әдептілік талаптарын сақтау мәселелері түсіндірілді. Сондай-ақ сыбайлас жемқорлық тәуекелдерінің алдын алу, заң талаптарын сақтау және мемлекеттік қызметтің оң имиджін қалыптастыру мәселелеріне ерекше назар аударылды.
Қызметкерлерге:
қызметтік әдеп нормаларын сақтау;
қызметтік жағдайды жеке мақсатта пайдаланбау;
қызметтік міндеттеріне байланысты сыйлықтар мен материалдық игіліктерді қабылдамау;
қоғамдық орындарда және әлеуметтік желілерде әдепті мінез-құлық сақтау қажеттігі еске салынды.
Мұндай профилактикалық іс-шаралар мемлекеттік қызметшілердің жауапкершілігін арттыруға, қоғам сенімін нығайтуға және мемлекеттік қызмет мәдениетін дамытуға бағытталған.