Қостанай облысында салықтық білім беру саласында серпінді жоба іске асырылуда
Қостанай облысы Мемлекеттік кірістер органдарының бастамасымен Ахмет Байтұрсынов атындағы Қостанай өңірлік университетінің (ҚӨУ) экономика және құқық факультетінде «Салық саласындағы әкімшілендіру және құқықтық реттеу» атты жаңа білім беру бағдарламасы ашылады.
Жобаның мақсаты- салық салу саласында білікті мамандар даярлау және Қостанай облысы бойынша мемлекеттік кірістер органдарындағы кадр мәселесін шешу. Бұл бағдарлама мемлекеттік қызмет пен салықтық консалтанг үшін кәсіби кадрлық резерв қалыптастыруға мүмкіндік береді.
2025 жылғы 20 маусымнан бастап студенттерді қабылдау басталады.
Бағдарлама түлектері келесі лауазымдарда жұмыс істей алады:
- мемлекеттік салық инспекторы;
- салықтық бақылау бөлімінің маманы;
- салықтық дауларды сотқа дейін реттеу маманы;
- салықтық кеңесші, аудитор;
- салық заңнамасы бойынша заңгер немесе адвокат;
- салықтық бухгалтер, қаржылық аналитик және т.б.
Жоба –салықтық білім беру дамыту мен мемлекеттік қызмет саласындағы кадрлық әлеуетті нығайтудың маңызды қадамы.Қазақстан Республикасының Ғылым және жоғары білім министрлігімен келісім жүргізіліп,бағдарлама білім беру бағдарламалары тізіліміне енгізілді.
Қостанай облысы бойынша
Мемлекеттік кірістер департаменті