📦 Шетелдік маркетплейстерден сатып алынатын тауарларға қатысты жаңа ережелер 2026 жылдың екінші жартысында күшіне енеді

ЕАЭО елдерінде Temu, AliExpress, iHerb және басқа да шетелдік интернет-алаңдардан сатып алынатын тауарларға қатысты жаңа ережелер енгізіледі. 🌍

Еске сала кетейік, бұл пилоттық жоба 2023 жылдан бері жүзеге асырылып келеді. Экспериментке «Қазпошта» АҚ, «DHL International Kazakhstan» ЖШС және жеке тұлғаларға тауар жеткізетін басқа да компаниялар қатысуда.

Осы уақытқа дейін азаматтардың сәлемдемелерді алуына байланысты қандай да бір қиындықтар тіркелген жоқ. ✅

Не өзгереді?
🛍️ Шетелдік маркетплейстерден жеке тұлғалар сатып алатын тауарлар «электрондық сауда тауарлары» деген жеке санатқа бөлінеді.

📄 Олар үшін жаңа кедендік құжат — «электрондық сауда тауарларына арналған декларация» енгізіледі. Бір декларацияда әртүрлі сатып алушылардың 999 тауарын көрсетуге болады.

Бұл декларацияларды кеден органдарына арнайы электрондық сауда операторлары тапсырады. Сондықтан сатып алушыларға құжаттарды өз бетінше рәсімдеудің қажеті болмайды.

Егер сатып алынған тауардың құны 200 еуродан аспаса 💶

✔️ Кедендік баждар мен салықтар төленбейді;
✔️ Сәлемдеме бұрынғыдай жеткізіледі;
✔️ Кеден органдарына өздігінен жүгінудің қажеті жоқ;
✔️ Барлық қажетті құжаттарды электрондық сауда операторы рәсімдейді.

📌 Бұл ретте бажсыз әкелу лимиті 200 еуро деңгейінде сақталады.

Тағы бір маңызды өзгеріс — 31 кг салмақ шектеуі алынып тасталады. ⚖️

Құны жоғары тауарларға қатысты 💰
Егер тауардың құны 200 еуродан асса, онда:
🔹 тауар құнының 5%-ы мөлшерінде кедендік баж;
🔹 16% мөлшерінде ҚҚС төленеді.

Есептеу мысалдары:
📍 Тауар құны 250 еуро болса:
Кедендік баж — 12,5 еуро (шамамен 7 мың теңге) + ҚҚС.
📍 Тауар құны 500 еуро болса:
Кедендік баж — 25 еуро (шамамен 14 мың теңге) + ҚҚС.

Салыстыру үшін: қазіргі уақытта мұндай тауарларға бажсыз лимиттен асқан сомаға 15% мөлшерінде бірыңғай төлем қолданылады (оған ҚҚС кіреді).

🎯 Жаңа ережелер интернет-сауданы реттеуге және коммерциялық партияларды жеке пайдалану үшін алынған тауар ретінде рәсімдеу жағдайларының алдын алуға бағытталған.