«Кедендік құнды айқындау әдістерін қолдану» тақырыбындағы брифинг

_____2026 жылғы 13 тамызда «Қазақстан Республикасы Қаржы министрлігі Мемлекеттік кірістер комитетінің Бас диспетчерлік басқармасы» Республикалық мемлекеттік мекемесінде (бұдан әрі - ҚР ҚМ МКК БДБ) сыртқы экономикалық қызметке қатысушылардың қатысуымен бейнеконференцбайланыс арқылы брифинг өткізілді.

_____Брифинг барысында ҚР ҚМ МКК БДБ Кедендік декларациялау мониторингі басқармасының шығарылғаннан кейінгі құжаттарды және мәліметтерді тексеруді жүргізу бөлімінің бас маманы – А.С. Карашиев ЕАЭО нормаларына сәйкес кедендік құнды айқындаудың алты әдісін практикалық қолдану мәселелерін түсіндірді.

_____Негізгі назар әдістерді қолдану реттілігіне аударылды: әкелінетін тауарлармен жасалған мәміле құны бойынша әдістен бастап резервтік әдіске дейін. Сондай-ақ әрбір әдісті нақты жағдайларда қолдану ерекшеліктері және кедендік құнды құжаттамалық растау тәртібі қарастырылды.

_____Сонымен қатар, қатысушыларға өзекті мәселелер бойынша түсіндірмелер беріліп, кедендік құнды түзетуге және құжаттамалық растау мүмкіндігі шектеулі жағдайларда әртүрлі әдістерді қолдануға қатысты практикалық кейстер талқыланды.

_____Брифинг қатысушылардың кәсіби құзыреттілігін арттыруға және кедендік құнды айқындау мен негіздеу қағидалары бойынша білімдерін жетілдіруге ықпал етті. Бұл халықаралық сауда және тауарларды мемлекеттік шекара арқылы өткізу кезінде ерекше маңызды.