«Дипломатиялық өкілдіктермен әкелінетін автокөлік құралдарына тауарларға декларацияларды кедендік ресімдеу және шығару ерекшеліктері» тақырыбындағы дөңгелек үстел

     Дөңгелек үстел барысында қатысушыларға дипломатиялық өкілдіктермен әкелінетін автокөлік құралдарын кедендік ресімдеу тәртібін реттейтін кеден заңнамасының нормалары түсіндірілді.

     Кедендік рәсімдерді қолдану ерекшеліктері қарастырылды, оның ішінде тауарларға декларацияларды беру және тіркеу тәртібі, дипломатиялық мәртебені растайтын құжаттарды рәсімдеуге қойылатын талаптар, сондай-ақ кедендік төлемдер мен салықтарды төлеуден босату негіздері.

     Тауарларды шығару шарттары және кедендік бақылауды жүргізу мәселелері, соның ішінде декларацияда көрсетілген мәліметтердің дұрыстығын тексеру ерекшеліктері түсіндірілді.

     Сонымен қатар, тауарларға декларацияларды дұрыс толтыру мәселелері, оның ішінде көлік құралдары туралы мәліметтерді және тауар кодтарын көрсету тәртібі қарастырылды.

     Талқылау барысында декларациялау кезінде жиі жіберілетін қателіктер қарастырылып, оларды болдырмау бойынша түсіндірмелер берілді.

     Сондай-ақ, дипломатиялық өкілдіктермен өзара іс-қимыл жасау мәселелері қарастырылды.

     Дөңгелек үстел қорытындысы бойынша қатысушылар тауарларға декларацияларды ресімдеу және шығару кезінде кеден заңнамасының талаптарын сақтау қажеттілігін атап өтті.