«ҚР ҚМ МКК БДБ» РММ қызметкерлеріне түсіндіру жұмыстары жүргізілді

   

     2026 жылғы 24 сәуірде Қазақстан Республикасы Қаржы министрлігі Мемлекеттік кірістер комитетінің «Бас диспетчерлік басқармасы» РММ-де (бұдан әрі — БДБ) мемлекеттік қызметшілердің Әдеп кодексін сақтау мәселелері бойынша техникалық оқу өткізілді. Іс-шараны БДБ басшысының орынбасары, әдеп жөніндегі уәкіл Айнакулов Б.А. ашты. Спикер ретінде БДБ Заң бөлімінің басшысы Асанбаева М.С. сөз сөйледі.

     Іс-шара барысында мемлекеттік қызметшілерге қойылатын негізгі талаптар түсіндірілді, оның ішінде моральдық-этикалық нормаларды сақтау, мемлекет пен азаматтардың мүдделеріне зиян келтіретін әрекеттерге жол бермеу, заңмен белгіленген шектеулерді сақтау және мүдделер қақтығысын болдырмау мәселелері қамтылды. Азаматтармен және әріптестермен қарым-қатынаста сыпайылық пен құрмет көрсету, дөрекілікке, негізсіз айыптауларға және әдепсіз мінез-құлыққа жол бермеу қажеттігіне ерекше назар аударылды.

     Сонымен қатар, қызметтік жағдайды жеке мақсатта пайдаланбау, заңсыз уәделер бермеу, мемлекеттік мүліктің сақталуын қамтамасыз ету және қызметтік міндеттерді орындауға кедергі келтіретін жеке қаржылық мүдделерді көздемеу талаптары атап өтілді. Мемлекеттік қызметшілердің сыртқы келбеті мен іскерлік мінез-құлқына қойылатын талаптар да ерекше атап өтілді.

     Өткізілген іс-шара қызметтік тәртіпті нығайтуға, әдеп деңгейін арттыруға және мемлекеттік институттар мен азаматтарға деген құрметті қалыптастыруға бағытталған.