«Электронды декларациялау орталығы» басқармасының қызметкерлеріне түсіндіру жұмысы жүргізілді

          Мемлекеттік қызметшілердің этикалық және сыбайлас жемқорлыққа қарсы мінез-құлқын қалыптастыру

        2026 жылғы 10 ақпанда «Қазақстан Республикасы Қаржы министрлігінің Мемлекеттік кірістер комитетінің Бас диспетчерлік басқармасы» РММ әдеп жөніндегі уәкілі С.М. Шимгамбаевтың қатысуымен мемлекеттік қызметкерлердің қызметтік этикасы мен сыбайлас жемқорлыққа қарсы мінез-құлқы мәселелеріне арналған түсіндіру жұмысы өтті.

         Талқылау барысында Қазақстан Республикасының мемлекеттік қызметкерлеріне арналған Әдеп кодексінің нормаларын күнделікті қызметтік тәжірибеде қолдану, сондай-ақ олардың азаматтармен және әріптестермен кәсіби, жауапты әрі ашық өзара іс-қимыл орнатудағы маңызына ерекше назар аударылды.

         Диалог барысында адалдық, бейтараптық және жауапкершілік қағидаттарының формалды талап қана емес, мемлекеттік қызметке деген сенімді қалыптастырудың және қызметтік міндеттерді сапалы орындаудың негізі екені атап өтілді.

         Сыбайлас жемқорлық тәуекелдерінің алдын алу мәселелеріне де ерекше көңіл бөлінді. Қатысушыларға сыбайлас жемқорлыққа әкеп соғуы мүмкін жағдайлар түсіндіріліп, әрбір мемлекеттік қызметкердің этикалық нормалар мен сыбайлас жемқорлыққа қарсы шектеулерді сақтаудағы жеке ұстанымының маңыздылығы атап өтілді.

       Сонымен қатар, этикалық мінез-құлықты қалыптастыру қызметтік міндеттерді орындау кезінде ғана емес, қызметтен тыс уақытта да Әдеп кодексі талаптарын саналы түрде сақтауды және мемлекеттік қызметкердің жалпы жүріс-тұрысы мемлекеттік қызметтің қоғамдық қабылдануына тікелей әсер ететіні атап өтілді.