«ҚР ҚМ МКК БДБ» РММ қызметкерлеріне Әдеп кодексінің және моральдық-әдептілік нормаларын сақтау бойынша түсіндірме жұмыстары жүргізілді.

     2025 жылғы 22 тамыз айында «Қазақстан Республикасы Қаржы министрлігінің Мемлекеттік кірістер комитетінің Бас диспетчерлік басқармасы» РММ (бұдан әрі – БДБ) қызметкерлеріне түсіндіру жұмыстары жүргізілді.   

     Шақырылған спикерлер:

     Сапарбеков Алмас Қабылбекұлы - «Астана қаласы бойынша Мемлекеттік қызмет істері агенттігінің департаменті» РММ мемлекеттік қызмет саласындағы бақылау басқармасының бас маманы;

     Қойшыбеков Тоқтар Төлеуханұлы - «Астана медицина университеті» КЕАҚ психиатрия және наркология кафедрасының ассистенті, «Қалалық психикалық денсаулық орталығы» ШЖҚ МКК психиатр нарколог дәрігері.   

     Өткізілген іс-шара барысында Әдеп кодексін, Мемлекеттік қызмет және сыбайлас жемқорлыққа қарсы іс-қимыл туралы заңнаманы сақтау мәселелері талқыланды, сондай-ақ қоғамдық орындарда алкогольдік, есірткілік және (немесе) уытқұмарлық масаң күйде пайда болуының, тыйым салынған заттарды медициналық емес тұтынудың, сондай-ақ көлік құралдарын масаң күйде басқарудың жол берілмейтін жағдайларының алдын алуға бағытталған алдын алу шаралары қаралды.

     Ұсынылған ақпарат мемлекеттік қызметшілердің құқықтық мәдениеті мен тәртібін нығайтуға, сондай-ақ жеке мінез-құлқы мен қызметтік әдеп нормаларын сақтауы үшін жоғары жауапкершілікті қалыптастыруға ықпал ететін болады.