Астана қаласы бойынша Мемлекеттік кірістер департаменті 7 мамыр – Отан қорғаушылар күнімен құттықтайды.

Астана қаласы бойынша Мемлекеттік кірістер департаменті 7 мамыр – Отан қорғаушылар күнімен құттықтайды. Бұл күн – батырлық пен ерліктің, намыс пен отансүйгіштіктің символы. Бүгін біз ел тыныштығын көздің қарашығындай сақтап, егемендігімізді қорғап жүрген барша ер азаматтарға құрмет көрсетеміз. Бұл мереке – тек әскерилердің ғана емес, өз отбасы мен еліне тірек болып жүрген әрбір азаматтың айтулы күні.

​Отанымыздың қорғаны болған сіздердің ерліктеріңіз бен жауапкершіліктеріңіз – біздің бейбіт өміріміздің кепілі. Сіздерге мықты денсаулық, қажымас қайрат және істеріңізге сәттілік тілеймін. Көрсеткен қырағылықтарыңыз бен Отанға деген адалдықтарыңыз әрқашан абырой биігінен көріне берсін, ал еліміздің әл-ауқаты жолындағы қызметтеріңіз әрқашан жемісті болсын.

​Қасиетті қара шаңырағымыздың іргесі бекем, аспанымыз ашық болсын! Әрбір отбасыға амандық, бақыт және береке тілеймін. Ел қорғаған ерлеріміздің мерейі үстем, жүздері жарқын, ал еліміздің болашағы жарқын болсын. Отан қорғаушылар күні құтты болсын!