Елордада "халық бухгалтері" акциясы өткізілді

Қазақстан Республикасы Қаржы министрлігінің бастамасымен Астана қаласы бойынша Мемлекеттік кірістер департаментінің аудандық басқармалары жеке кәсіпкерлер мен шағын бизнес субъектілеріне тегін кеңес беру, сондай-ақ халықтың қаржылық және салықтық сауаттылығын арттыру мақсатында «Халық бухгалтері» акциясын тұрақты түрде өткізіп келеді.

12 қаңтар күні кәсіби бухгалтерлердің, аудиторлардың және бейінді басқармалар мамандарының қатысуымен аталған акция аясында кезекті іс-шара өтті. Қатысушыларға бухгалтерлік және салықтық есептілік мәселелері бойынша кеңестер беріліп, 2026 жылға арналған салық салу тәртібі жөнінде түсіндірмелер жасалды.

«Халық бухгалтері» акциясы тұрақты түрде — дүйсенбі, сәрсенбі және жұма күндері өткізіледі.