2026 жылдан бастап камералдық бақылау бойынша өзгерістер

   

2026 жылдан бастап Қазақстан Республикасында камералдық бақылау жүргізу тәртібіне өзгерістер енгізетін жаңа Салық кодексі күшіне енеді. Негізгі өзгерістердің бірі камералдық бақылау тәртібін жаңарту болады – оның көмегімен салық органдары тексеруге шықпай-ақ бұзушылықтарды анықтайтын механизм.

Камералық бақылау дегеніміз не

Камералдық бақылау – бұл салық есебі және салық төлеуші туралы деректерді олардың орналасқан жеріне шықпай-ақ, ұсынылған мәліметтер мен мемлекеттік органдардың ақпараты негізінде тексеру болып табылады.

Камералдық бақылау бұзушылықтарды анықтаудан сәйкессіздіктерді  анықтауға қайта бағытталды.

Камералдық бақылаудың мақсаты-салық төлеушіге (салық агентіне) салықтар мен бюджетке төлемдерді есептеу бойынша салық міндеттемелерін дербес түзету құқығын беру.

Жаңа камералық бақылау-бұл қателіктердің алдын алуға және салық міндеттемелерін ерікті түрде орындауға бағытталған әділ және автоматтандырылған жүйеге көшу.