Астанада жаңа Салық кодексі бойынша Ашық есік күні өтті

2026 жылғы 23 қазанда Астана қаласы бойынша Мемлекеттік кірістер департаментінің Есіл ауданы бойынша Мемлекеттік кірістер басқармасында Қазақстан Республикасының Салық кодексіне енгізілген өзгерістерді түсіндіруге арналған Ашық есік күні аясында салық төлеушілермен кездесу өтті.

Іс-шара барысында жеке табыс салығы (ЖТС) мен әлеуметтік салықты есептеу және төлеу мәселелері көтеріліп, егжей-тегжейлі талқыланды.
Қатысушылар келесі өзекті тақырыптарды талқылады:
-еңбекақыдан ЖТС ұстау және аудару тәртібіндегі өзгерістер;
-әлеуметтік салықты төлеуден босатылатын салық төлеушілер санаттары;
-2025 жылдан бастап шағын және орта бизнес субъектілеріне енгізілген жаңашылдықтар.

Мемлекеттік кірістер басқармасының мамандары заңнамадағы жаңа нормалар бойынша түсіндірме беріп, салық төлеушілердің практикалық сұрақтарына жауап берді және нақты мысалдар келтірді.

Мұндай кездесулер салық органдары мен салық төлеушілер арасындағы ашық диалогты нығайтуға, салықтық сауаттылықты арттыруға және Салық кодексіне енгізілген өзгерістерді терең түсінуге мүмкіндік береді.

Астана қаласы бойынша Мемлекеттік кірістер департаменті халықтың салық сауаттылығын арттыру және бизнесті қолдау мақсатында осындай іс-шараларды одан әрі жүргізуді жоспарлап отыр.