Алматыда салық бойынша борышкерлерден автокөліктерін ала бастады

Ағымдағы жылдың 17 маусымында Алматыда "салық берешегі жоқ қала" акциясы басталды. Акцияның мақсаты автокөлік құралдары бойынша салық берешегін мәжбүрлеп өндіріп алу болып табылады.

Акция шеңберінде Алматы қаласы бойынша Мемлекеттік кірістер Департаменті Алматы қаласының полиция департаментімен және жеке сот орындаушыларымен бірлесіп рейдтік іс-шаралар өткізеді, оның барысында борышкерлердің автомобильдері "Сергек" бейнекамераларының көмегімен орнатылады және берешек толық өтелгенге дейін айыппұл тұрағына жабылады.                Екі сағат ішінде 11 млн.теңге жалпы қарызы бар оннан астам көлік айыппұл тұрағына қамалды.  

Бүгінгі күні қала бойынша көлік құралдарына салынатын салық бойынша берешек 5 млрд. теңгеден астам соманы құрайды, бұл ретте осы соманың негізгі бөлігі қозғалтқышының көлемі 4 мың текше см-ден асатын авто иелеріне тиесілі.

Салық берешегін "е-Salyk-Azamat" мобильдік қосымшасы арқылы, Екінші деңгейдегі банктердің қосымшалары арқылы немесе Мемлекеттік кірістер комитетінің www.kgd.kz интернет-ресурсында тексеруге және төлеуге болатындығын атап өткен жөн.

Жағымсыз жағдайларды, сондай-ақ сот орындаушылары мен айыппұл тұрағының қызметтерін төлеу шығындарын болдырмау үшін Алматы қаласы бойынша Мемлекеттік кірістер Департаменті автокөлік иелерін салық берешектерін өтеуге шақырады.