Алматы қаласы бойынша МКД кәсіпкерлермен кездесіп, олардың сұрақтарына жауап берді

2026 жылғы 16 қыркүйекте «Атамекен» кәсіпкерлер палатасының алаңында «Ақ жол» демократикалық партиясының Алматы қалалық филиалының қолдауымен Алматы қаласы бойынша Мемлекеттік кірістер департаменті өкілдерінің жергілікті бизнес-қоғамдастықпен кездесуі өтті.

Кездесуде шағын және орта бизнесті толғандыратын негізгі мәселелер талқыланды:

• арнаулы салық режимдерін қолдану;
• тауарларды импорттау және маркетплейстер арқылы сату кезінде ҚҚС төлеу;
• өзін-өзі жұмыспен қамтығандар үшін жұмыс істеу шарттары;
• жекелеген салаларға салық салу ерекшеліктері.

МКД мамандары қатысушыларға жан-жақты кеңес беріп, кәсіпкерлердің жеке сұрақтарына жауап берді.

Осындай ашық диалог форматы бизнеске ресми түсіндірмелерді жедел алуға, ал мемлекеттік органдарға нарықтың сұраныстарына уақытылы ден қоюға мүмкіндік береді.