ЖЕКЕ ТҰЛҒАЛАРДЫҢ БАНКРОТТЫҒЫ: ҚОЛДАНУ ТӘРТІБІ

Қазақстан Республикасында азаматтардың төлем қабілеттілігін қалпына келтіру және банкроттығы мәселелері «Қазақстан Республикасы азаматтарының төлем қабілеттілігін қалпына келтіру және банкроттығы туралы» Заңымен реттеледі.

 Заңда мынадай рәсімдер көзделген:

 Соттан тыс банкроттық
 Сот арқылы банкроттық
 Төлем қабілеттілігін қалпына келтіру.

 Соттан тыс банкроттық рәсімі келесі талаптар бір мезгілде сақталған жағдайда қолданылады:

 Банктер, микроқаржы ұйымдары және коллекторлық агенттіктер алдындағы берешек 1 600 АЕК-тен аспайды;
 Міндеттемелер бойынша төлем мерзімі кемінде 12 айға кешіктірілген;
 Борышкердің мүлкі жоқ;
 Кредитормен берешекті реттеу рәсімдері жүргізілген (заңда көзделген жағдайларды қоспағанда);
 Соңғы 7 жыл ішінде банкроттық рәсімі қолданылмаған.

 Өтінішті мына жолдармен беруге болады:

 eGov.kz порталы;
 eGov Mobile мобильді қосымшасы;
 e-Salyq Azamat мобильді қосымшасы;

 Халыққа қызмет көрсету орталығы (ХҚКО).

 Азамат банкрот деп танылған жағдайда:

 5 жыл бойы банктік қарыздар мен микрокредиттер алуға шектеу қойылады;
 Қайта банкроттық рәсімін 7 жылдан кейін ғана қолдануға болады;
 Азаматтың қаржылық жағдайына 3 жыл бойы мониторинг жүргізіледі.

 Маңызды!

Банкроттық рәсімі алимент төлеу және өмірге немесе денсаулыққа келтірілген зиянды өтеу жөніндегі міндеттемелерден босатпайды.